ق ر ەنەرگەتيكا مينيسترلىگى كوپشىلىكتى تولعاندىرعان اەس ماسەلەسىنە قاتىستى مالىمدەمە جاسادى دەپ جازادى Qamshy.kz اقپارات اگەنتتىگى. مينيسترلىك الدىن الا داۋرىعىپ، نەگىزسىز الاڭداۋعا سەبەپ جوق ەكەنىن ايتادى. 

"جۇرگىزىلگەن باعالاۋعا سايكەس ەلىمىزدىڭ ەلەكتر قۋاتىنىڭ بولجامدى بالانسىندا 2030 جىلعا قاراي قازاقستاننىڭ وڭتۇستىگىندە 2،7 گۆت-قا دەيىن بازالىق قۋات تاپشىلىعى كۇتىلۋدە. وسىعان وراي، ەلىمىزدىڭ وڭتۇستىگىندە بۋ-گاز، گيدرو جانە اتوم ستانسييالارىن سالۋ سياقتى ءارتۇرلى وتىن جانە ەنەرگيا كوزدەرىن پايدالانا وتىرىپ، بازالىق جانە مانيەۆرلىك گەنەراسيانى ەنگىزۋ ارقىلى تاپشىلىقتى جابۋ مۇمكىندىگىن قاراستىرىپ وتىر. 

سالىنۋى مۇمكىن اەس-تىڭ ەكونوميكالىق جانە تەحنيكالىق پارامەترلەرىن ناقتىلاۋ جانە رەاكتورلىق تەحنولوگيانى تاڭداۋ ءۇشىن تەحنيكالىق-ەكونوميكالىق نەگىزدەمەنىڭ ماركەتينگتىك ءبولىمى ازىرلەندى. وندا نارىقتا بار III+ رەاكتورلىق تەحنولوگيالاردى تالداۋ، سونداي-اق 5 ەلدىڭ رەاكتورلىق تەحنولوگيالاردى جەتكىزۋشىلەرىمەن، سونىڭ ىشىندە روساتوم مەملەكەتتىك كومپانياسىمەن، اقپارات الماسۋ جۇرگىزىلەدى.
بۇدان باسقا، الەۋەتتى ينۆەستورلار ەلىمىزدىڭ وڭتۇستىك وڭىرلەرىندە مانيەۆرلى گاز گەنەراسياسىن، سونداي-اق ەرتىس وزەنىندە ءشۇلبى گەس جانە ىلە وزەنىندە قاپشاعاي گەس كونتررەگۋلياتورلارىن سالۋ ماسەلەسىن قاراستىرۋدا. شىمكەنت جىلۋ ەلەكتر ورتالىعى الاڭىندا قۋاتى شامامەن 450 مۆت بولاتىن جاڭا بۋ-گاز ەلەكتر ستانسياسىن سالۋ جونىندە ۇسىنىس بەرىلدى.

تەك مۇمكىندىكتەر جانە ۇسىنىلاتىن جوبالار تياناقتى زەرتتەلگەن سوڭ عانا ەلەكتر ەنەرگياسىن وندىرۋگە قازاقستان ءۇشىن نەعۇرلىم وڭتايلى جانە قولايلى تەحنولوگيالار ايقىندالاتىن بولادى. ەگەر قۋات تاپشىلىعىن جويۋ ماقساتىندا اەس-تى تاڭداعان جاعدايدا، قازاقستان رەسپۋبليكاسىنىڭ زاڭناماسىنا سايكەس اەس-تى سالۋ تۋرالى شەشىمدى ق ر ۇكىمەتى قوعامدىق تىڭداۋلار جۇرگىزىپ، اەس سالىناتىن اۋماقتاردىڭ جەرگىلىكتى وكىلدى ورگانداردىڭ كەلىسىمى بويىنشا قابىلدايتىن بولادى. بۇل رەتتە ەلىمىزدىڭ شارۋاشىلىق مىندەتتەرىن شەشۋ مۇقتاجدىعى، قاجەتتى جاعدايلاردىڭ بولۋى جانە قاۋىپسىزدىك قاتەرىنىڭ بولماۋى ەسكەرىلەدى.

وسىلايشا، الدىن الا داۋرىعىپ، تۇجىرىمدار جاساۋعا جانە نەگىزسىز الاڭداۋعا سەبەپ جوق ەكەنىن حابارلايمىز"، - دەلىنگەن مينيسترلىكتىڭ حابارلاماسىندا. 

ۇسىنعان: اسەل بولات قىزى