كەشە قازاقستاننىڭ مادەنيەت جانە سپورت مينيسترلىگى ءوزىنىڭ رەسمي سايتىندا قازاقستاندىق بۇرىمدى بوكسشى فيرۋزا شاريپوۆانىڭ ءبىر جەكپە-جەگىن ۇيىمداستىرۋ ءۇشىن 74 842 650 تەڭگە بولىنگەنىن xابارلادى. بۇل اقشا بوكسشىمىز قازاقستان جەرىندە ەكىنشى جارتىلاي جەڭىل سالماقتا WBس تۇجىرىمى بويىنشا الەم چەمپيونى ەۆا ۆالسترەممەن كەزدەسۋ ۇيىمداستىرۋ ءۇشىن بولىنگەن. ءبىراق تۇپتەپ كەلگەندە كەزدەسۋ دە جوق، اقشا جا جوق.
شاريپوۆانىڭ ايتۋىنشا، ول اقشانى سانكت-پەتەربۋرگ قالاسىندا چەمپيوندىق بەلبەۋىن قورعاۋ ءۇشىن جۇمساعان. سول كەزدە قورعادى عوي. ءبىراق ءقازىر ول چەمپيوندىق اتاعىنان ايىرىلىپ قالدى.
نەگىزى كاسىپقوي بوكستا چەمپيوندىق بەلبەۋىن قورعايتىن بوكسشى كەرەمەت شىعىندالمايدى. كەرىسىنشە، بەلبەۋگە ۇمىتكەر بوكسشى چەمپيونعا تولەيدى. الايدا، شاريپوۆاعا كەلگەندە ءبارى كەرىسىنشە.ەندى مىنانى قاراڭىز. فيرۋزا كەتكەن بەلبەۋلەردى قايتا الۋ ءۇشىن جانە ۆالسترەممەن كەزدەسۋ وتكىزۋ ءۇشىن 500 مىڭ دوللار كەرەك دەيدى. سوندا نە ءۇشىن؟ جوعارىدا ول بەلبەۋىن ءجاي قورعاعانى ءۇشىن 200 مىڭ دوللاردان اسىق شىعىندالعان. ياعني، بۇل جەردە ول قارسىلاسقا دا اقشا تولەپ، كەشتى دە ءوزى ۇيىمداستىرعان سەكىلدى. ەندى ەۆاعا ۇمىتكەر بوكسشى رەتىندە بارىپ، تاعى شىعىندالادى.تاعى ءبىر ايتا كەتەتىن ءجايت، قارجى جەكپە-جەكتى قازاقستاندا وتكىزۋ ءۇشىن بولىنگەن. ءبىراق كەزدەسۋ رەسەيدە وتكەن. سوندا قازاقتىڭ جارناماسى رەسەيدە كەرەك پە؟ايتسا ايتتى، جازسا جازدى دەيسىزدەر. ءبىراق بارلىق نارسەنىڭ سۇراۋى بار ەمەس پە؟ ونىڭ ۇستىنە xالىقتىڭ اقشاسى عوي.ە-ە-ە مەيلى. نە بولسا دا قۇداي قايىرىن بەرسىن!
ۋاليحان قوسانباي Facebook پاراقشاسىنان
ۇسىنعان: نازەركە لابيحان
