تاراز قالاسىنداعى "جامبىل - مەنىڭ جاي اتىم، xالىق - مەنىڭ شىن اتىم!" اتتى رەسپۋبليكالىق اقىندار ايتىسىندا شۇعايىپ سەزىمحان "جىلاۋىق" شەنەۋنىكتەردى سىنعا الدى دەپ جازادى Qamshy.kz اقپارات اگەنتتىگى.
ايتىسكەر اقىننىڭ نازاربايەۆ ءوز ەركىمەن وتستاۆكاعا كەتكەن كەزدە كوز جاسىنا ەرىك بەرگەن شەندىلەر تۋرالى ايتقانى:
نۇر اعام توقايەۆقا ءتور بەرگەن ەدى،
ەلباسى ورنىنان باس تارتقاندا،
كوز جاسپەن پايدا بولدى كولدەر كەنەت.
پارلامەنتتە جىلادى ءبىراز ادام
پارلاتىپ كوزدىڭ جاسىن شەرمەڭدەي بوپ،
ەي سولار شىنىمەن جىلادى دەپ،
قاراپايىم، قالىڭ ەل سەنگەندە جوق.
سەبەبى الگى ءارتىس دەپۋتاتتار
وبرازعا ەندى عوي ەلدەن ەرەك.
جىلاسا بۇدان بۇرىن قايدا قالدى؟!
ەل ءۇشىن ەگىلگەنىن كورگەم دە جوق.
بىرەۋى دە كوز جاسىن كورسەتپەدى
ساتىلماقشى بولعاندا جەرلەر كەنەت،
كوڭىل ايتىپ، كوڭىلى بوسامادى
ورتەنىپ، بەس ءسابيى ولگەندە كەپ.
كوڭىل ايتۋ ورنىنا كەرىسىنشە
وزدەرى كىنالى دەپ كەردەڭدەپ ەدى.
بىرەۋى دە توبەسىن كورسەتپەدى،
گاز جارىلعاندا تارازدا ەلدەن كەنەت،
ۇشاقتا مەرت بولعاندا 13 ادام
قايعىڭا ورتاقتاسىپ كەلگەن دە جوق.
مىنە سولار ۇيالماي كەشە عانا
سىعىمداپ ەكى كوزىن ەربەڭدە ەدى.
نەگىزى پارلامەنت تە قازاق ءۇشىن
قايعىرعان شەرحاندايىن شەرلەر كەرەك.
ەلباسى ءۇشىن وتىرىك ەڭىرەمەي،
ەلىنە شىن جىلايتىن ەرلەر كەرەك.
ۇسىنعان: اسەل بولات قىزى
پىكىر قالدىرۋ