ق ر ەڭبەك جانە الەۋمەتتى قورعاۋ ءمينيسترى بەردىبەك ساپاربايەۆ ۇلى جانسۇلتان ساپاربايەۆتىڭ كارەراسىنا بايلانىستى جۋرناليستەردىڭ سۇراعىنا جاۋاپ بەردى دەپ جازادى Qamshy.kz اقپارات اگەنتتىگى

«كونستيتۋسياعا سايكەس، مەنىڭ ۇلىم قازاقستان ازاماتى رەتىندە وعان تولىق قۇقىعى بار. بۇل – ونىڭ ءوز تاڭداۋى، مەنىڭ قاتىسىم جوق. ونداي ادەتتەن ادامىن. مەملەكەتتىك قىزمەتتى ءوزى تاڭدادى، ەندى ءبارى وزىنە بايلانىستى. جۇمىسىن جاقسى ىستەسە – كارەراسى دا وسەدى»، - دەدى ساپاربايەۆ جۋرناليستەرگە.

ايتا كەتەيىك، كەشە بەردىبەك ساپاربايەۆتىڭ ۇلى جانسۇلتان ساپاربايەۆ نۇر-سۇلتان قالاسى ەسىل اۋدانى اكىمىنىڭ ورىنباسارى قىزمەتىنە تاعايىندالدى.

جانسۇلتان بەردىكبەك ۇلى ساپاربايەۆ 1991 جىلدىڭ 8 ساۋىرىندە دۇنيەگە  كەلگەن. ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن "حالىقارالىق قاتىناستار" ماماندىعى بويىنشا ءبىتىردى، گۋمانيتارلىق عىلىمدار ماگيسترى دارەجەسى بار.

2012-2014 جىلدارى "قازاقمىس كورپوراسياسى" جشس-دە ءارتۇرلى لاۋازىمداردى يەلەنگەن.

2015 جىلى "بايتەرەك" ۇلتتىق باسقارۋشى حولدينگى" اق باسقارما ءتوراعاسىنىڭ كەڭەسشىسى – حاتشىلىق باسشىسى بولىپ تاعايىندالدى.

2016 جىلى "قازىنا كاپيتال مەنەدجمەنت" اق باسقارۋشى ديرەكتورى بولعان.

مەملەكەتتىك قىزمەتتەگى مانسابىن 2016 جىلى قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ كەڭەسشىسى بولىپ باستادى.

2017 جىلى ۇلتتىق ەكونوميكا مينيسترلىگى وڭىرلەردى ساراپتاۋ جانە باعالاۋ دەپارتامەنتى ءوڭىرارالىق ىنتىماقتاستىق باسقارماسىنىڭ باسشىسى بولعان.

2018 جىلى نۇر-سۇلتان قالاسى سارىارقا اۋدانى اكىمىنىڭ اپپاراتىن باسقاردى.

ۇسىنعان: گۇلىم جاقان