ەنەرگەتيكا ءمينيسترى قانات بوزىمبايەۆ اەس سالۋ تۋرالى شەشىم مىندەتتى تۇردە قوعامدىق تىڭداۋلاردان كەيىن قابىلداناتىنىن ايتتى، دەپ حابارلايدى Qamshy.kz اقپارات اگەنتتىگى Sputnik قازاقستاننىڭ دەرەگىنە سۇيەنىپ.

"قازاقستاندا اتوم ەلەكتر ستانسياسىن سالۋ تۋرالى ءالى ەشقانداي شەشىم جوق ەكەنىن ايتقىم كەلەدى. ءبىز بۇل ماسەلەنى ءالى زەرتتەپ جاتىرمىز"، - دەدى بوزىمبايەۆ ۇكىمەت كۋلۋارىندا.

مينيستر ەلىمىزدە اەس سالۋ ماسەلەسىنىڭ تالقىلانىپ كەلە جاتقانىنا 5-7 جىل بولعانىن اتاپ ءوتتى. ايتۋىنشا، 2030 جىلعا قاراي قازاقستاندا ەلەكتر ەنەرگياسىنىڭ تاپشىلىعى بايقالادى. سەبەبى جىل سايىن ەلەكتر قۋاتىن تۇتىنۋ ارتىپ كەلە جاتقان كورىنەدى.

"سوندىقتان قالاي بولعاندا دا، بىزگە قانداي دا ءبىر قۋاتتىلىق سالۋ قاجەت بولادى. ەگەر ۇكىمەت اەس سالۋ تۋرالى شەشىم قابىلداسا، ول جاريالى تۇردە، ءتيىستى كونسۋلتاسيالار مەن قوعامدىق تىڭداۋ ارقىلى وتەدى"، - دەپ سەندىردى مينيستر.

بوزىمبايەۆ ەلىمىزدە گاز ستانسيالارى، گيدروستانسيا سالۋ جوسپارلانىپ وتىرعانىن ايتتى.

ەسكە سالا كەتسەك، ماسكەۋدە قازاقستان مەن رەسەي پرەزيدەنتتەرىنىڭ كەزدەسۋىندە ۆلاديمير پۋتين قازاقستاندا اتوم ەلەكتر ستانسياسىن سالۋدى ۇسىنعان ەدى. 
وسىدان كەيىن، ەنەرگەتيكا ءمينيسترىنىڭ ورىنباسارى ماعزۇم مىرزاعالييەۆ اتوم ەلەكتر ستانسياسى الماتى وبلىسىنىڭ ۇلكەن اۋماعىندا سالىنۋى مۇمكىن ەكەنىن ايتقان بولاتىن.

ۇسىنعان: نازەركە لابيحان