ق ر پرەزيدەنتى قاسىم-جومارت توقايەۆ ءارتۇرلى كوزقاراستى ساراپتاي وتىرىپ، ابدەن ويلانعان سوڭ عانا سايلاۋ تۋرالى شەشىم شىعاردى.
پرەزيدەنت الدىمەن ەلباسىمەن اقىلداستى. پارلامەنت پالاتاسى جەتەكشىلەرىمەن، پرەمەر-مينيسترمەن جانە كونستيتۋسيالىق كەڭەستىڭ توراعاسىمەن كەڭەستى. نەگىزگى ساياسي پارتيالاردىڭ جەتەكشىلەرىمەن جولىقتى.
وسىلايشا كەزەكتەن تىس سايلاۋ وتكىزۋ جايلى شەشىم قوعام سۇرانىسىن سارالاۋمەن قاتار ءتيىستى وتىنىشتەردىڭ نازارعا الىنۋىمەن بارلىق ساياسي تالاپقا ساي قابىلداندى. ياعني ماڭىزدى ماسەلەلەردىڭ بارلىق قوعامدىق ساياسي جاقتارى ەسكەرىلدى.
سوندىقتان دا سايلاۋ وتكىزۋ تۋرالى شەشىم ەلىمىزدەگى باستى قوعامدىق ساياسي كۇشتەردىڭ ورتاق مامىلەسىنەن تۋىنداپ وتىر.
سايلاۋ بارلىق ماسەلەگە نۇكتە قويىپ، ترانزيتتىك ۇدەرىستى اياقتايدى.
سوڭعى كەزدەرى «ءبىزدى نە كۇتىپ تۇر؟»، «ارى قاراي نە بولادى؟» دەگەن سىڭايداعى ءارتۇرلى اڭگىمەنىڭ وربىگەنى جاسىرىن ەمەس. مىنە، پرەزيدەنت وتكىزىلىپ جاتقان رەفورمالارعا كەسىرى تيمەس ءۇشىن وسىنداي اڭگىمەلەر مەن پىكىرتالاستارعا نۇكتە قويدى.
وسىلايشا ەكىۇدايىلىق كۇيدەن اتتاپ وتۋگە سايلاۋ مۇمكىندىك بەرەدى. مەملەكەت باسشىسى «پرەزيدەنت حالىق قالاۋى بويىنشا سايلانادى» دەپ استىن سىزىپ تۇرىپ بەكەر ايتقان جوق. ۇندەۋىندەگى نەگىزگى ءسوز دە وسى.
ەرلان قارين، ق ر پرەزيدەنتىنىڭ كەڭەسشىسى
