قازاقستان پرەزيدەنتى قاسىم-جومارت توقايەۆ قاۋىپسىزدىك كەڭەسى حاتشىسىنىڭ ورىنباسارىن تاعايىندادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
"مەملەكەت باسشىسىنىڭ وكىمىمەن مۇرات قاليبەك ۇلى بايمۇقاشيەۆ قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى قىزمەتىنە تاعايىندالدى"، - دەلىنگەن وكىمدە.
بۇعان دەيىن بايمۇقاشيەۆ پرەمەر-مينيستر كەڭسەسى قورعانىس جانە قۇقىقتىق ءتارتىپ ءبولىمىنىڭ مەڭگەرۋشىسى بولىپ جۇمىس ىستەگەن.
قازاقستاننىڭ قاۋىپسىزدىك كەڭەسى كۇش قۇرىلىمدارى، ورتالىق جانە جەرگىلىكتى اتقارۋشى ورگانداردىڭ قىزمەتىن ۇيلەستىرەدى، سونداي-اق، زاڭ جوبالارىنا تالداۋ جاساپ، نورماتيۆتىك قۇجاتتاردىڭ ورىندالۋىن باقىلايدى.
قاۋىپسىزدىك كەڭەسىنىڭ ءتوراعاسى – تۇڭعىش پرەزيدەنت نۇرسۇلتان نازاربايەۆ. ول كەڭەستى ءومىر بويى باسقارۋ قۇقىعىنا يە.
وسى جىلدىڭ اقپانىندا بۇرىنعى ىشكى ىستەر ءمينيسترى قالمۇحانبەت قاسىموۆ قاۋىپسىزدىك كەڭەسىنىڭ حاتشىسى بولىپ تاعايىندالعان ەدى.
ۇسىنعان: نازەركە لابيحان
پىكىر قالدىرۋ