كاسىپ سالاسىندا ءتۇرلى وقيعالار ورىن الاتىنى تۋرالى فاكتىلەرگە بارلىعىمىز قانىقپىز. بۇگىنگى تاقىرىپتى تارقاتۋ بارىسىندا ءبىز سىزگە اتاقتى كاسىپكەرلەردىڭ كەڭەستەرىن ۇسىنباقپىز. ەندەشە ءارى قاراي پاراقتاڭىز.
ساراپشىلاردىڭ ءوز تاجىريبەسىنەن الىنعان كەڭەستەرى
«اگەنتتىك وكىلدەرى بارلىعىن تەكسەرەدى دەپ ۇمىتتەنەدى»
«ۇسىنىلعان كاسىپكە قاتىستى جاۋاپكەرشىلىكتىڭ بارلىعى قۇجاتتار تولىق راسىمدەلىپ بىتكەنشە، ساتۋشى تاراپتىڭ مويىنىندا بولادى. ويتكەنى، ول قۇجاتتارعا قوس تاراپتان قول قويىلمايىنشا ونىڭ اكتيۆتەرى بولىپ ەسەپتەلمەك. ال اگەنتتىك ساۋدانىڭ ءقاۋىپسىز جانە تولىققاندى ءوتۋىن عانا قامتاماسىز ەتەدى.
ال ۇسىنىلعان اكتيۆتى تەكسەرۋ نەەسە تەكسەرمەۋ – ساتىپ الۋشىنىڭ جۇمىسى. دەگەنمەن، اگەنتتىك وكىلدەرى ساۋدا-ساتتىق بارىسىندا وزىندىك ساراپتاۋ شارالارىن جۇرگىزەدى. بۇل – ولاردىڭ جۇمىسى.
سوندىقتان، اكتيۆتەردى ساتىپ الۋ بارىسىندا بارلىق قۇجاتتاردى مۇقيات تەكسەرگەن ارتىق ەتپەيدى».
«پەرۆىي بروكەر» كومپانياسىنىڭ ساتۋ ءبولىمىنىڭ باسشىسى الەكساندر مەدۆەدوۆ.
«ساتىپ الۋشى ۇسىنىلعان فيرمانى جەكە تەكسەرۋدەن (فنس سايتىندا، روسستات، فسسپ) وتكىزۋگە تولىق قۇقىلى. سىزدەرگە ساتىپ العالى جاتقان نىساندى تەكسەرۋدەن وتكىزىپ الۋعا كەڭەس بەرەمىن. ويتكەنى، قازىرگى ۋاقىتتا جوندەۋ جۇمىستارىنان، ۇلعايتۋ شارالارىنان، سىرىپ تاستاۋدان قاشقان ەگەلەرى بەلسەندى تۇردە ساتۋدا».
«بيس-بروكەر» كومپانياسىنىڭ باس ديرەكتورى دەنيس مەلامەد.
«ءوزىمنىڭ تاجىريبەمنەن ءساتسىز شىققان مىسالدار كەلتىرەيىن. كاسىپكەر جۇمىس جاساپ تۇرعان اۆتوسەرۆيس پەن جەر تەلىمىن جانە عيماراتتى ساتىپ الادى. ارادا ءتورت اي وتكەن كەزدە ەلەكتر جەلىسى ءدال وسى نىسان تۇرعان جەردەن وتكىزىلەتىنى ايتىلىپ، ونىڭ ۇستىندە ەشقانداي عيمارات تۇرماۋى كەرەكتىگىن ەسكەرتەدى.
ساتىپ الۋشى وسى سەبەپتەرمەن ءوز بيزنەسىن، ساتىپ العان اقشاسىن قۇردىمعا جىبەردى. سونداي-اق، ونىڭ كاسىبىنىڭ باعاسى دا كۇرت تومەندەدى.
ەرتەرەك تەكسەرۋ تۋرالى وسىنداي جاعداي ورىن الماسى ءۇشىن كوپ ايتامىن».
«التەرا ينۆەست» كومپانياسىنىڭ نەگىزىن قالاۋشى ماكسيم نوۆيسكيي.
ارالاس ءارى اۋقىمدى كاسىپتى ساتىپ الۋ تۋرالى
«ارالاسقان ءارى كوپفۋنكسيالى كاسىپتى ساتىپ الۋمەن اينالىسپاڭىز. ونىڭ ەسەسىنە ءبىر جەردەن باسقارىلاتىن ءارى ءبىر تاۋارعا نەگىزدەلگەن اكتيۆتەرمەن جۇمىس جاساڭىز. بۇل قادام وزىڭىزگە الدەقايدا تۇسىنىكتى ءارى قولايلى.
بيزنەستى سوڭعى اقشاڭىزعا جانە نەسيەگە ساتىپ الۋدان اۋلاق بولۋعا كەڭەس بەرەمىن. نەسيە الۋعا كومەك بەرمەك بولعان ساتۋشىلاردان اباي بولىڭىز. كاسىپ ءجۇرىپ كەتپەۋى مۇمكىن، ال بانك سىزدەن نەسيە قايتارىمىن قالاي دا تالاپ ەتەدى.
داعدارىسقا ۇشىراساڭىز دا قالتاڭىزعا كۇش تۇسىرمەيتىن بوس كاپيتالدى تاڭداڭىز».
Kawaii Factory جانە Monoroom كومپانياسىنىڭ ۇلەسكەرى يۋليا پەسكوۆا.
ەموسياعا جول بەرمەۋ كەرەك
«كاسىپكەر ايەل كوممەرسيالىق جىلجىمايتىن مۇلىك باعىتىندا جاقسى جۇمىس جاساپ كەلە جاتقان. ول جەردە ءتۇسىم كولەمى دە ۇلكەن كاسىپكەرلەرمەن قارىم-قاتىناس تا وتە جاقسى دەڭگەيدە ەدى. كاسىپكەر ايەل بوسانعاننان كەيىن الابوتەن دۇنيەمەن اينالىسقىسى كەلىپ، «التەرا ينۆەست» كومپانياسىنىڭ قىزمەتىنە جۇگىندى.
ءبىز وعان جاقسى فوتوستۋديو تاڭداپ بەردىك. ءبىراق كاسىپكەر ايەل جۇمىس جاساي باستاعاننان-اق ونىڭ ەكى نارسەگە كوڭىلى تولمادى: ءبىرىنشىسى 3000 رۋبل كولەمىندەگى ورتاشا ءتۇسىم جانە تۇتىنۋشىلاردىڭ وزدەرى.
فوتومودەلدەردىڭ ءجۇرىسى، ءتۇسىمنىڭ ازدىعى، تالعامپاز تۇتىنۋشىلار ايەلدىڭ اشۋىن تۋعىزدى. سوڭىندا ول فوتوستۋديونى ساتۋعا دا تالپىنىس جاساماي، جاۋى تاستادى».
«التەرا ينۆەست» كومپانياسىنىڭ نەگىزىن قالاۋشى ماكسيم نوۆيسكيي.
سىرتقى فاكتورلارعا كوڭىل بولمەۋ تۋرالى
«ۇسىنىلىپ وتىرعان كاسىپتىڭ سرىتقى فاكتورلارىنا دا كوڭىل اۋدارىڭىز. مىسالى، ورنالاسقان جەرى، حالىق تىعىزدىعى، بەلسەندىلىگى دەگەن سەكىلدى. ءسىزدىڭ نەگىزگى ماقساتىڭىز ساتىپ الىنعان كاسىپتەن پايدا ءتۇسىرۋ ەكەندىگىن ۇمىتپاڭىز.
مەن تىگىن ءوندىرىسىمدى قىتايدان رەسەيگە كيىم جەتكىزەتىن كاسىپكە ايىرباستاعىم كەلدى. ويتكەنى، كەدەن مەن جەتكىزۋ تىم ۇزاق ۋاقىت الاتىن. ءبىراق بۇل ويىم جۇزەگە اسپادى. ويتكەنى، رەسەيدەگى شيكىزات بازاسى بارلىعىنا بىردەي قولجەتىمدى ەمەس. وسى سەبەپتى ءوندىرىس جۇمىسى توقتاپ قالا بەرەدى. سونىمەن قاتار، جەرگىلىكتى قويمالاردىڭ سەنىمسىزدىگى جانە سەرىكتەستەردىڭ تۇراقسىزدىعى دا كەدەرگىلەر قاتارىندا. كاسىپتى ساتۋعا تۋرا كەلدى».
Kawaii Factory جانە Monoroom كومپانياسىنىڭ ۇلەسكەرى يۋليا پەسكوۆا.
بارلىق اكتيۆتەردى ساتپايدى
«سىزگە عيماراتتى عانا ەمەس، بارلىق بيزنەستى ساتقانىن قاداعالاڭىز. كەلىسىمشارتتا ارەندا قۇقىعى، ماتەريالدىق، ماتەريالدىق ەمەس اكتيۆتەرى، تۇتىنۋشىلار بازاسى، الەۋمەتتىك جەلىلەردىڭ لوگيندەرى مەن پارولدەرىنىڭ جازىلعانىن قاداعالاڭىز.
تاجىريبەمنەن. ءبىر ادام حابارلاسىپ، 1 ميلليون رۋبلگە قولما-قول تاكسي جەلىسىنىڭ ديسپەچەرلىك قىزمەتىن ساتىپ العانىن ايتتى. اقىرىندا، وفيس، ديسپەچەر، تەلەفون ءنومىرى، تۇتىنۋشىلار بازاسى مەن جۇرگىزۋشىلەردىڭ ورىنىنا وعان سايت قانا بۇيىرعان.
مەن ودان «كەلىسىمشارت قۇجاتتارى بار ما؟» دەپ سۇرادىم. ول تەك اقاشىن العانى تۋرالى قولحاتىن عانا العان ەكەن. ەگەر قۇجاتتار بولماسا زاڭ تۇرعىسىنان دا ول ساتىپ العانىن دالەلدەي المايدى. سوتقا بارۋدىڭ دا ەشبىر ءمانى جوق».
«بيس-بروكەر» كومپانياسىنىڭ باس ديرەكتورى دەنيس مەلامەد.
ءبىز ساراپشىلار مەن كاسىپكەرلەردىڭ ءبىرقاتار كەڭەستەرى مەن مىسالدارىن سىزگە ۇسىندىق. ولاردىڭ كەڭەستەرىنەن ساتۋ-ساتىپ الۋ بارىسىندا قانداي ماسەلەلەرگە مۇقيات بولۋ كەرەكتىگىن، قۇجاتتاردىڭ قانشالىقتى ماڭىزدى ءرول وينايتىندىعىن، عيمارات پەن اكتيۆتەردىڭ ايىرماشىلىعىن بايقاۋعا بولادى.
ساتۋ نەمەسە ساتىپ الۋ بارىسىندا وتە مۇقيات بولىڭىز. ويتكەنى، ءسىزدىڭ قولىڭىزداعى جۇمسالاتىن قاراجات – ماڭداي تەرىڭىزدىڭ جەمىسى.
پىكىر قالدىرۋ