قازاقستان پرەزيدەنتى قاسىم-جومارت توقايەۆ جۇمىس ساپارىمەن اقتاۋ قالاسىنا باردى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى، دەپ جازادى Qamshy.kz اقپارات اگەنتتىگى.
"ساپار بارىسىندا ءبىرقاتار الەۋمەتتىك نىسانداردى ارالاپ كورۋ، تەڭىز ساۋدا پورتىنىڭ جۇمىسىمەن تانىسۋ، سونداي-اق، ماڭعىستاۋ وبلىسىنىڭ جۇرتشىلىعىمەن كەزدەسۋ جوسپارلانىپ وتىر"، - دەپ جازدى بەرىك ءۋالي الەۋمەتتىك جەلىدەگى پاراقشاسىندا.
ايتا كەتەيىك، ق ر پرەزيدەنتى ءوزىنىڭ رەسمي ساپارىن تۇركىستان قالاسىنان باستاعان بولاتىن.
ۇسىنعان: نازەركە لابيحان
