كۇنى كەشە الەۋمەتتىك جەلىلەردەن بەلگىلى ساياساتكەر، ءبىرقاتار سايلاۋعا تۇسكەن ازاماتتاردىڭ جانىندا جۇرگەن ءامىرجان قوسانوۆ تىكەلەي ەفيرگە شىعىپ، جەلى قولدانۋشىلارمەن پىكىرلەستى.
ءبىر ساعات بويى جۇرگىزىلگەن تىكەلەي ەفيردە ساياساتكەر ءبىرقاتار ماسەلەلەردى تارقاتا ايتتى.
العاشقى كەزەكتە ايتىلعان ماسەلە – وپپوزيسيا مۇشەلەرى مەن وپپوزيسيالىق پارتيالار، قوعامدىق قوزعالىستاردىڭ سايلاۋعا قاتىسۋدان باس تارتۋى. ەل اراسىندا، ءوز ارالارىندا وسىنداي قاۋەسەت بارىن تىلگە تيەك ەتكەن ساياساتكەر مۇددەلەس ازاماتتاردى بىرىگۋگە، بۇرىن-سوڭدى ورىن العان كەلەڭسىزدىكتەردى، رەنىشتەردى، ءتىپتى، ساتقىندىقتاردى كەشىرۋگە شاقىردى.
"ەگەر ءبىز بىرىكپەسەك، سايلاۋعا تۇسپەسەك، وندا نازاربايەۆ ۋاعىنداعى ىشكى جۇيە قايتا ورناپ، باس بەرمەي كەتەدى. ءبىزدىڭ بار مۇمكىندىگىمىز وسى سايلاۋدا. سوندىقتان، ارازدىقتى، الاۋىزدىقتى ىسىرىپ قويىپ، بىرىگەيىك"، - دەدى ءامىرجان قوسانوۆ.
ساياساتكەردىڭ ەكىنشى كوتەرگەن ماسەلەسى – سايلاۋالدى ۇگىت-ناسيحات كەزەڭى تۋرالى.
"وزدەرىڭىز بىلەسىزدەر، قازاقستاندا ون مىڭنان استام سايلاۋ ۋچاسكەسى بار. ول جەردەگى قىزمەتتىڭ بارلىعىن اتقاراتىن مۇعالىمدەر، دارىگەرلەر جانە ت.ب. ءبىز سول كەزەڭدى دۇىس باقىلاپ، داۋىسىمىزدىڭ ۇرلانۋىنا جول بەرمەۋىمىز كەرەك"، - دەپ جالعاستىردى ول.
ءامىرجان قوسانوۆ "جاڭا قازاقستان" فورۋمىنىڭ بەلگىلى ءبىر سەبەپتەرمەن تىركەلمەگەنى تۋرالى، سول سەبەپتى ولار ۇمىتكەر ۇسىنا المايتىندىعى تۋرالى ايتتى. سونداي-اق، جسدپ پارتياسىنىڭ مۇشەلەرىنە، جارماحان تۇياقبايعا ءبىرقاتار سالەم جولداعانىن تىلگە تيەك ەتىپ، ول تاراپتان ەشقانداي قوزعالىس بايقالماعانىن جاسىرمادى.
"ماعان ءبىرقاتار قوعامدىق قوزعالىستاردان ۇسىنىس ءتۇستى. ەگەر ولاردىڭ اتىنان ۇمىتكەر بولىپ، سايلاۋعا تۇسسەم، وپپوزيسيا مۇشەلەرى مەن وپپوزيسيالىق توپتاردىڭ بىرلىگىنە، ءوزارا اراقاتىناسىمىزعا سالقىنىم ءتيىپ كەتە مە دەپ الاڭدايمىن"، - دەيدى ساياساتكەر.
"بويكوت جاريالاۋ" تۋرالى...
تىكەلەي ەفير بارىسىندا تۇتىنۋشىلار سۇراقتارىنا جاۋاپ بەرىپ وتىرعان ءامىرجان قوسانوۆ ءبىرقاتار ازاماتتاردىڭ "لاس سايلاۋعا تۇمسىق تىقپاي-اق قويساڭدارشى" دەگەن ۇسىنىستارىنا بويكوت جاريالاۋدىڭ باعىتتارىن ءتۇسىندىرىپ بەردى.
"بويكوت جاريالاۋدىڭ ەكى ءتۇرى بار. ءبىرى – بەلسەندى بويكوت، ياعني، اشىق قارسىلىق بىلدىرە وتىرىپ، باس تارتۋ. ەكىنشىسى – ءپاسسيۆتى بويكوت"، - دەدى ول.
وپپوزيسيالىق توپتاردىڭ اراسىنداعى ەسكى الاۋىزدىق، ءبىر مۇددەگە بىرىكپەۋ بار ەكەنى بايقالادى. ءامىرجان قوسانوۆتىڭ دا "قارجى تاپشى"، "ۋاقىت تاپشى" دەگەن ءسوزى ءبىر بايلامنىڭ شەتىن كورسەتكەندەي بولدى.
"نە بەل كەتەدى، نە بەلبەۋ كەتەدى" دەمەكشى، بەل بۋعان اتقامىنەرلەردىڭ اراسىنداعى باسەكە كەزەكتەن تىس پرەزيدەنتتىك سايلاۋ كوركىن قىزدىرا تۇسەتىنى انىق.
