الەم جەلىدەگى بەلسەندىلەردىڭ بارلىعى كەزەكتەن تىس پرەزيدەنتتىك سايلاۋ جاريالانعالى بەرى جارعاق قۇلاقتارى جاستىققا تيمەي جانتالاسۋدا. اسىرەسە وپپوزيسيالىق باعىتتاعى وقىرماندار مەن اتقامىنەرلەر ورتاق پىكىرگە كەلە الماي، ءتۇرلى ۇسىنىستار ايتىلۋدا.
ءبىرقاتار بەلگىلى باسپا ءسوز قۇرالدارىنىڭ باس رەداكتورى قىزمەتىن اتقارعان، وپپوزيسيالىق پارتيالاردا مۇشەلىكتە بولعان گۇلجان ەرعاليوۆا دا الەۋمەتتىك جەلىدەگى پاراقشاسىندا كۇندە دوڭگەلەك ۇستەل وتكىزۋدە.
"اشىنعان ازاماتشا ميلليونداعان حالىقتىڭ كوزگە ۇرىپ تۇرعان دۇنيەنى كورسە دە، كورمەگەندەي بولاتىن مۇز قاتقان ساناسىنا نارازىمىن. زال تولى كورەرمەن، جاڭعىرعان شاپالاق ءۇنى، وتىرىك باعدارلاما، قورقىنىش – ءبارى ءبىزدىڭ دامۋىمىزعا كەدەرگى"، - دەدى ول جازباسىندا.
سونداي-اق، گۇلجان ەرعالييەۆا ەلىمىزدە حالىقتىڭ كوشباسشىسى بولىپ جۇرگەن ادال ازاماتتار بار ەكەنىن دە جاسىرمايدى. ولاردىڭ كوپشىلىگى سوتتالعانىن، مەملەكەتتىك مەكەمەدە جۇمىس جاساي الماعانىن نەمەسە جاساماعانىن، ارزان ءھام وتىرىك باعدارلاما جازىپ، حالىقتى الداماعانىن ايتادى بەلسەندى.
جازبا سوڭىندا ول ءوزى لايىق دەپ ساناعان التى ۇمىتكەردىڭ اتىن اتادى.
مارعۇلان سەيسەمباي – تاجىريبەلى كاسىپكەر ءارى بەلسەندى ازامات.
رينات زايىتوۆ – حالىقتىڭ سۇيىكتى اقىنى، ايتىسكەر.
جانبولات ماماي – ءىرى پوتەنسيالدى جۋرناليست ءارى ساياساتكەر.
زەينوللا كاكىمجانوۆ – ىسىنە ادال ەكس-مينيستر جانە تابىستى كاسىپكەر.
جاننات ەرتلەسوۆا – بىلىكتى ەكونوميست، ۋاعىندا قازاقستاننىڭ دەموكراتيالىق تاڭداۋى پارتياسىنىڭ بەلسەندى مۇشەسى.
گەنناديي گولوۆكين – الەمنىڭ سۋپەر-چەمپيونى، جەڭىلىستى بىلمەيتىن باتىر.
قوعام بەلسەندىسىنىڭ ويىنشا، قازىرگى ۋاقىتتا بيلىك باسىنا ەل سۇيەتىن ازامات كەلۋى ءتيىس. ءبىراق ونىڭ ارتىنداعى سايلاۋدىڭ زاڭ تۇرعىسىنان العانداعى ماسەلەلەرى، قارجى، پارتيا نەمەسە قوعامدىق قوزعالىستىڭ اتىنان شىعۋ سىندى قيىندىقتارى كوپ-اق.
ەسكە سالا كەتەيىك، ۋكراينادا دا پرەزيدەنتتىك سايلاۋ ناۋقانى ءجۇرىپ جاتىر. ءۇش كانديداتتىڭ ءبىرى، بەلگىلى اكتەر ۆلاديمير زەلەنسكييدىڭ حالىق داۋىسىنىڭ باسىم بولىگىنە يە بولعانىنان دا حاباردارمىز.
ەگەر بىزدە دە پرەزيدەنتتىك سايلاۋعا ونەرىمەن، ولەڭىمەن سۇيىكتى بولعان ازاماتتاردىڭ ءىرى ساياساتقا، حالىقارالىق ساياساتقا ات قويىپ، ارالاسىپ كەتۋى ەكىتالاي دۇنيە.
ءبىز ۇمىتكەرگە داۋىس بەرەردە مەملەكەت تۇرعىسىنان ويلانۋىمىز قاجەت. قانشا قۇرىلىس جوبالارى، ينفراسترۋكتۋرالار، تارتىلۋى ءتيىس ينۆەستيسيالار، جوسپارلانعان ءىرى جوبالار اياقسىز قالماۋى ءتيىس. حالىقتىڭ كوپشىلىگى قازىرگى ۋاقىتتا الەۋمەتتىك ءال-اۋقاتتىڭ ارتۋىن عانا كوزدەيدى، تالاپ ەتەر باستى دۇنيەلەرى دە – وسى.
تۇتقا ۇستار ۇلدىڭ ساياساتكەرلىگى، ادالدىعى، قازاقىلىعى، ازاماتتىعى، ابىروي-بەدەلى قاتار باعالانۋى ءتيىس.
