رەسەيدە باراحويەۆ اۋىلىنىڭ 28 جاستاعى تۇرعىنى ءوزىنىڭ ەكى بالاسى وتىرعان ءۇيدى وتكەن جىبەرگەن. بۇل جايىندا Qamshy.kz اقپارات اگەنتتىگى life.ru پورتالىنىڭ دەرەگىنە سۇيەنىپ جازادى.

كۇدىكتىنىڭ 4 جاسار بالاسى وقيعا ورنىندا كوز جۇمعان، ال ونىڭ ءبىر جارىم جاستاعى قىزىن كورشىلەرى قۇتقارىپ ۇلگەرىپتى.

تەرگەۋشىلەردىڭ ايتۋىنشا، ىشىمدىككە سىلقيا تويىپ العان ايەل ۇيىندەگى جيھازدارى مەن بولمەلەرىنىڭ بىرىنە تەز جاناتىن سۇيىقتىق قۇيىپ ورتەپ، ءوزى كەتىپ قالعان. سالدارىنان كۇدىكتىنىڭ بالاسى قازا تاۋىپ، كىشكەنتاي قىزىن كورشىلەرى قۇتقارىپ قالعان. ءبۇلدىرشىندى دەرەۋ اۋرۋحاناعا جەتكىزىپتى. ءورتتى ۇيىمداستىرعان ايەل قاماۋعا الىنىپ، وعان قانداي ۇكىم شىعارىلاتىنى شەشىلۋدە.

بەلگىلى بولعانداي، قىلمىسكەردىڭ تاعى ەكى بالاسى بار ەكەن، ولار ايەلدىڭ تۋىستارىنىڭ قامقورلىعىنا نەمەسە كىشكەنتاي بالالارعا ارنالعان رەابيليتاسيالىق ورتالىققا بەرىلمەك.

جەرگىلىكتى باق-تىڭ دەرەكتەرىنە سايكەس، قۇتقارىلعان ءبۇلدىرشىن 1 جاس 7 ايلىق بولعان. ايەلدىڭ مۇنداي قادامعا بارۋىنا كۇيەۋىمەن بولعان ۇرىس سەبەپ بولعان دەگەن اقپارات بار.

ۇسىنعان: نازەركە لابيحان