سقو اكىمى قۇمار اقساقالوۆتىڭ وكىمىمەن رۋسلان قاناتحان ۇلى  الىشيەۆ سولتۇستىك قازاقستان وبلىسى اكىمىنىڭ الەۋمەتتىك ماسەلەلەرى جونىندەگى ورىنباسارى بولىپ تاعايىندالدى، دەپ حابارلادى سقو اكىمدىگى Qamshy.kz اقپارات اگەنتتىگىنە.

رۋسلان الىشيەۆ سقو-نىڭ تۋماسى، م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن، ا. مىرزاحمەتوۆ اتىنداعى كوكشەتاۋ ۋنيۆەرسيتەتىن ءتامامداعان.

2004-2013 جىلدارى ─ سولتۇستىك قازاقستان وبلىسى اكىمىنىڭ ينسپەكتورى،  ىشكى ساياسات باسقارماسىنىڭ ورىنباسارى جانە باسشىسى، ماعجان جۇمابايەۆ اۋدانى اكىمىنىڭ ورىنباسارى.

2013-2018 جىلدارى – ق ر مادەنيەت جانە اقپارات مينيسترلىگى اقپارات جانە مۇراعات كوميتەتى ەلەكتروندىق ب ا ق باسقارماسىنىڭ باسشىسى،  «نۇر وتان» ورتالىق اپپاراتى ساياسي جۇمىستار دەپارتامەنتىنىڭ ديرەكتورى، ق ر اقپارات جانە كوممۋنيكاسيالار مينيسترلىگى اقپارات كوميتەتى ءتوراعاسىنىڭ ورىنباسارى.

2018 جىلدان باستاپ وسى تاعايىنداۋعا دەيىن ق ر اقپارات جانە كوممۋنيكاسيالار مينيسترلىگىنىڭ «ورتالىق كوممۋنيكاسيالار قىزمەتىنىڭ» باسشىسى بولىپ جۇمىس ىستەدى.

ماديار قوجاحمەت باسقا جۇمىسقا اۋىسۋىنا بايلانىستى سقو اكىمى ورىنباسارى قىزمەتىنەن بوساتىلدى.

ۇسىنعان: نازەركە لابيحان