جۋىردا يورك (كانادا) ۋنيۆەرسيتەتىنىڭ عالىمدارى ادامنىڭ بەت-الپەتىنىڭ دامۋ ەۆوليۋسياسى  قورشاعان ورتاداعى الەۋمەتتىك داعدىلاردى قاجەت ەتۋىنە بايلانىستى ەكەنىن ايتتى. بۇل تۋرالى Phys.orgء-تىڭ باسپا ءسوز حابارلاماسىندا ايتىلعان.

زەرتتەۋشىلەردىڭ پىكىرىنشە، ادامداردىڭ ءتىرى قالۋى ۇلكەن الەۋمەتتىك قاتىناستىڭ پايدا بولۋىنا بايلانىستى. وسىنداي جاعدايلاردا ىمداپ سويلەۋ، يشارامەن قارىم-قاتىناس جاساۋ  ماڭىزدى ءرول اتقارعان. بۇل فاكتورلار، ادامنىڭ بەت-پىشىنىنە دە اسەر ەتكەن. بۇگىندە ادامدار 20-دان استام ءارتۇرلى ەموسيالار ساناتتارىن ءبىلدىرۋ مۇمكىندىگىنە يە بولسا، بۇرىنعى ادامدار مۇنداي ەموسيالاردان ماقۇرىم بولعان ەكەن.

جويىلىپ كەتكەن ادامدارعا قاراعاندا Homo sapiens-تەر ماڭدايى جازىق، بەت-پىشىنى ءتۇرلى ەموسيالاردى بىلدىرۋگە قابىلەتتى بولعان. جەتىلگەن ادامداردىڭ جۇزدەرى جالپىعا ورتاق سەزىمدەردى ايقىن بايقاتۋعا مۇمكىندىك بەردى.

ادام بەتىنىڭ قازىرگى قالىپقا تۇسۋىنە تاماق ازىرلەۋدى مەڭگەرگەننىڭ دە سەپتىگى بولعان، دەيدى عالىمدار. بۇنىڭ ناتيجەسىندە ولار ۇزاعىراق شايناۋ قاجەتتىلىگىن ازايتقان، بۇل  ءوز كەزەگىندە بەت بۇلشىق ەتتەرىنىڭ كولەمىن ازايتۋعا اكەلگەن.

دايىنداعان: ناۋرىزبەك سارشا