تۇركىستان وبلىسى شارادارا اۋدانىنىڭ 1999 جىلى مەكتەپ تۇلەكتەرى 20 جىلدىق مەرەيتويدى قايرىمدىلىق شاراسىنا ارناۋدى ءجون كورگەن دەپ جازادى Qamshy.kz اقپارات اگەنتتىگى yujanka.kz سايتىنىڭ دەرەگىن نەگىزگە الىپ. 

ولار وزدەرىنىڭ 9 بالاسى بار سىنىپتاسىنا ءۇي سىيلادى. ال اندرەي مەن اناستاسيا ۆولوكيتيندەردىڭ قۋانىشىندا شەك جوق. ءۇيدىڭ وتاعاسى اندرەي تۇرمىستىق تەحنيكانى جوندەۋمەن اينالىسادى.  ال اناستاسيا بولسا ءۇي شارۋاسىمەن، بالا تاربيەسىمەن ۇيدە وتىرادى. بۇعان دەيىن ولار پاتەر جالداپ كەلگەن ەدى. ەندى ولاردى باسپانا ماسەلەسى باس اۋىرتپايتىن بولدى. 

سونداي-اق اۋداندىق اكىمشىلىكتىڭ كومەگىمەن جاڭا ۇيگە جارىقپەن، سۋمەن قامتاماسىز ەتىلدى. قۋانىشتى جاڭالىقتى بۇكىل اۋىل بولىپ داستارحان باسىندا تويلادى. كەلگەن قوناقتار دا قۇر قول كەلمەي، گاز پليتاسىن، كىلەمدى سىيعا تارتتى.

ال شاردارى اۋدان اكىمىنىڭ ورىنباسارى باۋىرجان شومپييەۆ قايرىمدىلىق شاراسىنا اتسالىسقان مەكتەپ تۇلەكتەرىنە العىس حات تاپسىردى. 

ۇسىنعان: اسەل بولات قىزى