رەسەيلىك تەلەجۇرگىزۋشى دميتريي برەيتەنبيحەر قوستانايلىقتان قازاق تىلىندە كەشىرىم سۇرادى دەپ حابارلايدى Qamshy.kz اقپارات اگەنتتىگى. 

"نە؟ قايدا؟ قاشان؟" اتتى رەسەيلىك تانىمال باعدارلامادا سۇراق قويعان قوستانايلىق كورەرمەن 147 مىڭ تەڭگە ۇتىس الۋى كەرەك بولاتىن. 

قوستانايلىق تۇرعىن اتالمىش باعدارلاماعا ساۋال جولداعان. ونىڭ سۇراعى "سۋپەربليس" بولىمىندە وقىلدى. "سۋپەربليس" ەرەجەسى بويىنشا ينتەللەكتۋال ءۇش ساۋالعا بىردەي دۇرىس جاۋاپ بەرۋى كەرەك. ال سەرگەيدىڭ سۇراعى ءبىرىنشى بولىپ وقىلدى. ول "فين جازۋشىسى ەكى ادام كىنالى بولسا دا  سونىڭ بىرەۋى تولەيتىن ايىپپۇل بار. بۇل قانداي ايىپپۇل؟" دەگەن سۇراق قويدى. اتالمىش سۇراققا ويىنشى "بوسانۋ" دەپ جاۋاپ بەرگەن بولاتىن. الايدا جۇرگىزۋشى ويىنشىعا "بالانى دۇنيەگە اكەلۋدى دە ايىپپۇل سانايسىز با؟" دەپ سۇراق قويدى. ويىنشى بىردەن ويىن جيناقتاپ، "الليمەنت" دەپ سۇراقتىڭ دۇرىس جاۋابىن تاپقان بولاتىن. دەگەنمەن ويىنشىنىڭ بۇل جاۋابى قابىلدانباعان ەدى. سەبەبى تەلەجۇرگىزۋشى وعان كومەكتەستى. تەلەجۇرگىزۋشى بۇل قاعيدانى ەسكەرمەي ويىندى ودان ءارى جالعاستىرعان بولاتىن. ءبىراق كەلەسى ويىندا دميتريي برەيتەنبيحەر قوستانايلىقتان كەشىرىم سۇرادى. 

"وتكەن ويىننىڭ سوڭىندا مەن قازاقستاندىق سەرگەي سمولەنيۋكتىڭ 25 مىڭ رۋبل (147 مىڭ تەڭگە) الاتىنىن ايتۋدى ۇمىتىپپىن. سەبەبى ويىن قاتىسۋشىسى ساۋالعا تەك جۇرگىزۋشىنىڭ كومەگىمەن جاۋاپ بەردى. سوندىقتان، سەرگەي، كەشىرىڭىز مەن!"، - دەدى  رەسەيلىك تەلەجۇرگىزۋشى. 

اۋدارعان: اسەل بولات قىزى