LVMH كومپانيالار توبىنىڭ جەتەكشىسى، فرانسۋز ميللياردەرى بەرنار ارنو پاريجدەگى "قۇداي انا" شىركەۋىنىڭ قالپىنا كەلتىرۋ جۇمىستارىنا 200 ميلليون ەۋرو بولەتىنىن مالىمدەدى.
"ارنو اۋلەتى مەن LVMH توبى فرانسۋز بىرلىگى مەن ەلدىگىنىڭ سيمۆولىنا اينالعان وسى شىركەۋدى قالپىنا كەلتىرۋگە كومەك قولىن سوزعىسى كەلدى. ءبىز ۇلتتىڭ، ەلدىڭ باسىنا كۇن تۋعاندا بىرىگە ءبىلۋىمىز كەرەك"، - دەلىنگەن ارنونىڭ مالىمدەمەسىندە.
ارنونىڭ ۋىسىندا Louis Vitton، Moët، Hennessy سەكىلدى الەمگە ءماشھۇر برەندتى تاۋارلار بار. سونىمەن قاتار، Givenchy، Kenzo، Chaumet، TAG Heuer سىندى ساۋدا بەلگىلەرى وسى اۋلەتكە تيەسىلى.
بەرنار ارنودان بۇرىن تاعى دا ءبىر فرانسۋز ميللياردەرى فرانسۋا-انري پينو نوتر-دام شىركەۋىنىڭ قالپىنا كەلتىرۋ جۇمىستارىنا 100 ميلليون ەۋرو بولەتىنىن جاريا ەتكەن.
