ۇيلەنۋ تويلارىندا شار، لەنتا، گۇلدەرمەن بەزەندىرىلگەن تراكتورلارمەن قىدىرعان جاس جۇبايلار جەلىنى شۋلاتتى دەپ حابارلايدى Qamshy.kz اقپارات اگەنتتىگى.

دەرەككوزدەرىنە سۇيەنسەك، جاس جۇبايلار تۇركىستان وبلىسىنىڭ تۇرعىندارى ەكەن. ادەتتە، قىمبات كولىككە قۇمارتىپ، ۇيلەنۋ تويلارىنا ليمۋزين جالدايتىن جاس جۇبايلارعا كوز ۇيرەنگەن حالىق بۇل جۇپتىڭ ارەكەتىن قىزىق كورىپ، تاڭ قالدى.

مۇنداي ەرەكشە كورتەج يەسى دارحان مەن مارال بىلتىر وتاۋ قۇرعان. دارحان تويلارىنىڭ ەرەكشە ءوتۋىن قالاپ، دوستارى، تۋىس، اۋىلداستارىمەن اقىلداسىپ، تراكتورمەن قىدىرۋدى ءجون ساناپتى. قالىڭدىق بۇل تۋرالى ءدال تويدىڭ الدىندا عانا بىلگەن. كۇيەۋ جىگىتتىڭ يدەياسىن اۋىلداعى تراكتورشىلار قولداپ، ۇلەس قوسقان. ولار دا ءوز تراكتورلارىن ساندەپ، كورتەج قاتارىنا قوسىلعان ەكەن.

ۇسىنعان: ماقپال سەمباي