بۇگىنگى تاڭدا 26 مىڭنان استام قىزمەت كورسەتىلىپ، 7 مىڭعا جۋىق جۇرگىزۋشى كۋالىگى بەرىلدى. بۇل مۇنايلى ولكەدەگى حقكو –نىڭ العاشقى 5 ايداعى جۇمىسى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

بۇل تۋرالى وكق – دە وتكەن بريفينگتە «ازاماتتارعا ارنالعان ۇكىمەت »مەملەكەتتىك كورپوراسياسىنىڭ حالىققا قىزمەت كورسەتۋ ورتالىعىنىڭ اتىراۋ وبلىستىق فيليالى ديرەكتورىنىڭ ورىنباسارى تۇرلان نۇرجانوۆ مالىمدەدى.

- وتكەن جىلى جەلتوقسان ايىنىڭ ورتاسىندا اتىراۋدا مامانداندىرىلعان حقكو اشىلدى. وسى ۋاقىتتان باستاپ 2019 جىلدىڭ 1 ساۋىرىنە دەيىن 26 934 قىزمەت كورسەتىلدى. اتاپ ايتقاندا، اۆتوكولىك قۇرالدارىن تىركەۋ، قايتا تىركەۋ - 20 102. بۇگىنگى كۇنى 6 832 جۇرگىزۋشى كۋالىگى بەرىلدى، دەيدى تۇرلان نۇرجانوۆ.

سپيكەردىڭ ايتۋىنشا، اتىراۋ قالاسىنىڭ تۇرعىندارى جۇرگىزۋشى كۋالىكتەرى ءۇشىن 25-30 ءونلاين-وتىنىمدى تولتىرادى. سونداي-اق، جۇرگىزۋشى كۋالىگىن اۋىستىرۋ نەمەسە قالپىنا كەلتىرۋ جۇرگىزىلەدى. بۇل ءۇشىن ارنايى حقكو-نى شىعارۋ بولىمىندە سىزگە ايىرباستاۋعا ارنالعان جۇرگىزۋشى كۋالىگىن، جەكە باسىن كۋالاندىراتىن قۇجاتتى، سونداي-اق مەملەكەتتىك باجدى تولەنگەندىگى جونىندە ەلەكتروندى چەكتى ۇسىنۋ قاجەت.

- بۇنىڭ بارلىعىن ونلاين تۇردە جاساي الاسىز. ول ءۇشىن تۇرعىندار egov.kz پورتالىنا كىرىپ، ءوتىنىشتى تولتىرىپ، ونى ەسق-مەن قول قويۋى كەرەك. قولدانباعان فوتوسۋرەت جانە قولتاڭبا سۋرەتىن سكانەرلەۋ قاجەت. قۇجاتتىڭ دايىندىعى تۋرالى دەربەس شوتىڭىزداعى حابارلامانى العاننان كەيىن دايىندىق جۇرگىزۋشى كۋالىگىن الۋ ءۇشىن ارنايى حقكو-عا بارۋ كەرەك. قۇجاتتىڭ دايىندىعى تۋرالى حابارلاما ءموبيلدى تۇرعىنداردىڭ دەرەكتەر بازاسىندا تىركەلسە، حابارلاندىرۋ SMS تۇرىندە جىبەرىلەدى، - دەدى «ازاماتتارعا ارنالعان ۇكىمەت» مەملەكەتتىك كورپوراسياسى حالىققا قىزمەت كورسەتۋ ورتالىعىنىڭ اتىراۋ وبلىستىق فيليالى ديرەكتورىنىڭ ورىنباسارى تۇرلان نۇرجانوۆ.