ۋكراينانىڭ بۇرىنعى پرەزيدەنتى ۆيكتور يانۋكوۆيچ، پرەزيدەنت سايلاۋىندا جەڭىسكە جەتكەن زەلەنسكيي مەملەكەت تىزگىنىن تۇبەگەيلى قولىنا العاننان كەيىن كييەۆكە قايتا ورالعىسى كەلەتىنىن جەتكىزدى دەپ حابارلايدى Qamshy.kz اقپارات اگەنتتىگى  lenta.ru سايتىنا سىلتەمە جاساي وتىرىپ. ول تۋرالى ەكس-پرەزيدەنتتىڭ ادۆوكاتى ۆيتاليي سەرديۋك حابارلاعان.

سەرديۋكتىڭ ايتۋىنشا، پەتر پوروشەنكو پرەزيدەنت بولعان كەزدە يانۋكوۆيچ ساياسي قىسىم سالدارىنان ەلدەن كەتۋگە ءماجبۇر بولعان. ادۆوكات بيلىك باسىنا ۆلاديمير زەلەنسكييدىڭ كەلۋىمەن بۇل جاعداي ءادىل شەشىمىن تابادى دەگەن ۇمىتتە.

قازىرگى تاڭدا ەكس-پرەزيدەنت يانۋكوۆيچكە تاعىلعان ايىپتاۋلار الىنىپ تاستالمايىنشا، ول رەسەيدە قالۋعا ءماجبۇر ەكەنىن اتاپ ءوتتى. ونىڭ قۇقىقتارىن قالپىنا كەلتىرىپ، يانۋكوۆيچتىڭ قۋدالانۋى تەك ساياسي سيپاتقا يە ەكەنىن دالەلدەگىسى كەلەدى.

سونىمەن قاتار، ەكس-پرەزيدەنتتىڭ قورعاۋشىسى 2014 جىلدىڭ وقيعاسىنا سەبەپكەر بولعان شىن كىنالىلەردى انىقتاپ، جاۋاپقا تارتقىسى كەلەتىنىن جەتكىزدى.

ەستەرىڭىزگە سالا كەتسەك، ۆيكتور يانۋكوۆيچ  2014 جىلى 22 اقپانىندا، ۋكرايناداعى ساياسي جاعداي ۋشىعىپ تۇرعان كەزەڭدە رەسەيگە كەتكەن بولاتىن.  سول سەبەپتى يانۋكوۆيچتى مەملەكەتكە ساتقىندىق جاسادى دەپ ايىپتاپ، سىرتىنان 13 جىلعا باس بوستاندىعىنان ايىرعان.