بىرنەشە تىنىس بەلگىدەن جىبەرگەن قاتەلەرىنە قاراماستان، ۇمىتكەر ءوزىنىڭ مەملەكەتتىك ءتىلدى ەركىن مەڭگەرگەنىن كورسەتە العان. بۇل تۋرالى لينگۆيستيكالىق كوميسسيانىڭ مۇشەسى ەسىم عاريفوللا مالىمدەدى.
قازاقستان رەسپۋبليكاسىنىڭ پرەزيدەنتتىگىنە "ۇلى دالا قىراندارى" قوعامدىق ۇيىمىنىڭ اتىنان ۇسىنىلعان ۇمىتكەر سادىبەك تۇگەل مەملەكەتتىك ءتىلدى مەڭگەرۋ دارەجەسىن انىقتايتىن ەمتيحاندى ءساتتى تاپسىرىپ شىقتى.
"لينگۆيستيكالىق كوميسسيا سادىبەك تۇگەلدىڭ مەملەكەتتىك ءتىلدى ەركىن مەڭگەرەتىنىن راستادى"، - دەدى ەسىم عاريفوللا.
ونىڭ ايتۋىنشا، پرەزيدەنتتىككە ۇمىتكەر ازامات ءبىرقاتار پۋنكتۋاسيالىق قاتەلەر جىبەرگەن.
"ۇمىتكەرگە ءۇش تاپسىرما بەرىلدى: ەكى بەتتەن اسپايتىن شىعارما جازۋ، ءماتىن وقۋ جانە بەرىلگەن تاقىرىپ بويىنشا سويلەۋ. پۋنكتۋاسيا بويىنشا بولەك ەسكەرتپەلەر بولدى. ءبىراق ول ءماتىن وقۋ بارىسىندا قازاق ءتىلىن ەركىن مەڭگەرگەنىن دالەلدەدى. شەشەن سويلەۋ تاپسىرماسىنان دا توسىلعان جوق. ۇمىتكەردىڭ ءسوز ساپتاۋ مانەرى كوڭىل كونشىتەرلىكتەي"، - دەدى كوميسسيا مۇشەسى.
پرەزيدەنتتىككە ۇمىتكەر ازاماتتارعا قويىلاتىن ەڭ العاشقى تالاپ – قازاق ءتىلىن ەركىن مەڭگەرۋى. كۇنى كەشە بۇل سىننان باس پارتيانىڭ اتىنان ۇسىنىلعان ۇمىتكەر قاسىم-جومارت توقايەۆ تا وتكەن ەدى. ونىڭ كورسەتكىشتەرى ءجۇز پايىزدى كورسەتتى.
سادىبەك تۇگەل ۇمىتكەر رەتىندە وسك-نا قۇجاتتارىن العاش بولىپ تاپسىردى. ونىڭ كانديداتۋراسىن "ۇلى دالا قىراندارى" قوعامدىق ۇيىمى ۇسىنعان ەدى.
ۇسىنعان: ادىلەت مادەنيەت
