وزبەكستان مەن رەسەي اتوم ەلەكتر ستانسياسىنىڭ قاي جەرگە سالىناتىنى تۋرالى ورتاق شەشىمگە كەلدى دەپ حابارلايدى Qamshy.kz اقپارات اگەنتتىگى ريا نوۆوستي پورتالىنا سىلتەمە جاساپ. بۇل - وزبەكستان اۋماعىندا سالىنعالى جاتقان العاشقى اەس.
رەسەيدىڭ سىرتقى ىستەر ءمينيسترى سەرگەي لاۆروۆ وزبەكستان پرەزيدەنتىمەن بولعان كەزدەسۋدەن سوڭ: "پرەزيدەنت شاۆكات ميرزايەۆ اەس تۋرالى جوبانىڭ دامىپ كەلە جاتقانىنا ريزاشىلىق ءبىلدىردى جانە جوبا جۇزەگە اسىرىلاتىن اۋماق تۋرالى دا ورتاق مامىلەگە كەلدىك "،- دەپ مالىمدەدى.
سونىمەن قاتار، جاقىن ارادا رەسەي مەن وزبەكستان اراسىندا وسى تاقىرىپ اياسىندا كەڭەس وتىرىسى وتەتىنىن دە ايتىپ ءوتتى.
وزبەكستان پرەزيدەنتى 8 اقپاندا ەلدەگى اتوم ەنەرگەتيكاسىن دامىتۋدىڭ 2019-2029 جىلدارعا ارنالعان تۇجىرىمداماسىن بەكىتكەن بولاتىن. تۇجىرىمدامانىڭ باستى ماقساتى جالپى قۋاتى 2،4 گۆت بولاتىن اەس- تىڭ قۇرىلىسىن جانە ءقاۋىپسىز جۇمىس جاساۋىن قامتاماسىز ەتۋ. ستانسيانىڭ قۇرىلىسى 2022 جىلى باستالىپ، رەسەي ۇكىمەتىنەن تارتىلاتىن نەسيە ەسەبىنەن جۇزەگە اسىرىلماق.
ۇسىنعان: داۋرەن سىبانباي
پىكىر قالدىرۋ