احمەتجان ەسىموۆ بارونەسسا ەمما نيكولسونمەن كەزدەستى دەپ جازادى Qamshy.kz اقپارات اگەنتتىگى. 

«سامۇرىق-قازىنا» ءۇاق» اق باسقارما ءتوراعاسى احمەتجان ەسىموۆ بريتان پرەمەر-مينيسترىنىڭ قازاقستانداعى ساۋدا ەلشىسى، قازاكستان-بريتان ىسكەرلىك كەڭەسىنىڭ ءتوراعاسى بارونەسسا ەمما نيكولسونمەن، سونداي-اق لوندون قور بيرجاسىنىڭ باستاپقى كاپيتال نارىعى باسقارماسىنىڭ باسشىسى روبەرت بارنسپەن كەزدەستى.

كەزدەسۋ قازاقستان مەن ۇلىبريتانيا اراسىنداعى ساۋدا-ەكونوميكالىق ىنتىماقتاستىقتى دامىتۋ اياسىندا ءوتتى.

«ساۋدا-ەكونوميكالىق ىنتىماقتاستىقتى دامىتۋدىڭ بەلسەندى قارقىنىنىڭ ارقاسىندا قازاقستان مەن ۇلىبريتانيا اراسىنداعى ەكىجاقتى قارىم-قاتىناستار ءوزارا  بايلانىستىڭ جوعارى دەڭگەيىنە جەتتى. «سامۇرىق-قازىنا» بريتاندىق سەرىكتەستەرمەن بىرگە ەكىجاقتى ينۆەستيسيالىق جانە ىسكەرلىك ىنتىماقتاستىقتى دامىتۋدا بەلسەندى ءرول اتقارادى»،- دەدى  ەسىموۆ. 

كەزدەسۋ بارىسىندا تاراپتار قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازاربايەۆتىڭ 2015 جىلى ۇلىبريتانياعا بارعان ساپارىنىڭ اياسىندا سول جىلى قۇرىلعان قازاقستان-بريتان ىسكەرلىك كەڭەسى (قبىك) اياسىندا بىرلەسكەن قىزمەتتەستىكتىڭ پەرسپەكتيۆالارىن تالقىلادى.

سونىمەن قاتار، ا. ەسىموۆ قاتىسۋشىلارعا قوردىڭ IPO-عا جوسپارلارىن ۇسىنىپ، كومپانيالار توبىنىڭ جەكەشەلەندىرۋ باعدارلاماسى مەن ينۆەستيسيالاۋ ءۇشىن قولايلى جاعداي جاساۋ تۋرالى مالىمدەدى.

ءوز كەزەگىندە، بارونەسسا الداعى IPO-عا قىزىعۋشىلىق تانىتىپ، ينۆەستيسيالىق ىنتىماقتاستىقتى دامىتۋعا جان-جاقتى قولداۋ كورسەتۋگە دايىن ەكەندىگىن ءبىلدىردى.

كەزدەسۋ سوڭىندا تاراپتار وسى جىلدىڭ كۇزىندە وتەتىن قازاقستان-بريتان اسكەرلىك كەڭەسىن تالقىلادى.

ايتا كەتكەن ءجون، 2018 جىلدىڭ قاراشاسىندا «سامۇرىق-قازىنا» اق وزىنە تيەسىلى «قازاتومونەركاسىپ» ۇلتتىق اتوم كومپانياسىنىڭ» 15% اكسياسىن لوندون قور جيرجاسىندا جانە AIFC بيرجاسىندا ورنالاستىردى. 

بيىلعى جىلى «ەير استانا» اق-نىڭ جانە «قازاقتەلەكوم» اق-نىڭ IPO-نى وتكىزۋ جوسپارلانىپ وتىر. «ەير استانا» اۋەكومپانياسى AIFC جەرگىلىكتى بيرجاسىندا جانە شەتەلدە لوندوندا ورنالاسادى دەپ بولجانىپ وتىر.

ۇسىنعان: اسەل بولات قىزى