رەسەيدىڭ اۋعانستان استاناسى كابۋل قالاسىنداعى ەلشىلىگىنىڭ باسپا ءسوز اتتاشەسى نيكيتا يششەنكو "ۆكونتاكتە"-دەگى پاراقشاسىندا "تاليبان" قوزعالىسىنىڭ بۇرىنعى وكىلدەرىمەن تۇسكەن سۋرەتىن جاريالادى دەپ حابارلايدى Qamshy.kz اقپارات اگەنتتىگى بيزنەس Online باسىلىمىنا سىلتەمە جاساپ.
"تاليبان" قوزعالىسى رەسەي اۋماعىندا تىيىم سالىنعان تەرروريستىك ۇيىم. كەۋدەلەرىنە "گەورگيي لەنتالارىن" تاققان اۋعاندىقتارمەن تۇسكەن سۋرەتىنىڭ استىنا ەلشىلىك قىزمەتكەرى "تاليباندىقتار & گەورگيي لەنتالارى" دەگەن جازبا دا قالدىرعان. بۇل جازبا رەسەيلىك باق-تىڭ نارازىلىعىن تۋعىزدى. ءوز جازباسى قىزۋ تالقىعا تۇسكەننەن كەيىن عانا ەلشىلىك وكىلى جەلىدەگى جازباسىنا "بۇرىنعى تاليباندىقتار & گەورگيي لەنتالارى" دەگەن وزگەرىس ەنگىزدى. سونىمەن قاتار، يششەنكو رەسەيلىك ب ا ق وكىلدەرىنە تەررورلىق ۇيىمنىڭ مۇشەلىگىنە كىرەتىن ادام رەسەي ەلشىلىگىنىڭ عيماراتىنا كىرە المايتىنىن دا ەسكەرتتى.
فوتوسۋرەت كابۋلدەگى ەلشىلىكتىڭ 9 مامىر - جەڭىس كۇنى قارساڭىندا وتكىزگەن رەسمي قابىلداۋىندا تۇسىرىلگەن. شاقىرىلعان قوناقتار اراسىندا اۋعانستانداعى ەڭ ءىرى قوزعالىستاردىڭ ءبىرى بولىپ سانالاتىن "تاليبان" قوزعالىسىنىڭ بۇرىنعى وكىلدەرى دە بولعان.
"تاليبان" قوزعالىسى رەسەيدە رەسمي تۇردە تەرروريستىك جانە ەكسترەميستىك ۇيىم رەتىندە تىركەلگەن.
ۇسىنعان: داۋرەن سىبانباي
پىكىر قالدىرۋ