ماسكەۋدەن مۋرمانسك قالاسىنا باعى العان Superjet 100 جولاۋشىلار ۇشاعى جانىپ بارا جاتقان سوڭ اپاتتى جاعدايدا قونۋعا ءماجبۇر بولدى. قۇزىرلى ورگانداردىڭ ايتۋى بويىنشا، اۋە كەمەسىنە اسپاندا نايزاعاي تۇسكەن دەپ حابارلايدى تاسس سايتىنا سىلتەمە جاساپ.
كۋاگەرلەردىڭ ايتۋى بويىنشا، اۋەدەگى ۇشاقتى نايزاعاي ەكى رەت سوققان.
"اپاتتىڭ ەڭ نەگىزگى نۇسقاسى – نايزاعايدىڭ ءتۇسۋى. سونىڭ اسەرىنەن اۆتوماتتاندىرىلعان جۇيە ىستەن شىققان"، - دەپ تۇسىنىكتەمە بەردى جاۋاپتى تۇلعالار.
ۇشاققا نايزاعاي تۇسكەنىن ەكيپاج مۇشەلەرى دە جوققا شىعارمايدى. بۇرىنىراق جاي وتىنىڭ اسەرىنەن اۋە كولىگىنىڭ تولىقتاي جانىپ كەتۋ مۇمكىندىگى تۋرالى دابىل قاعىلعان ەدى.
اۋدارعان: ادىلەت مادەنيەت
پىكىر قالدىرۋ