كوك شارلار، گەورگيي لەنتاسىنا قارسىلىقتار، ۇوس ارداگەرلەرىنە قارسى شىعۋ، ماڭگىلىك الاۋ مەن ەكىنشى دۇنيەجۇزىلىك سوعىستىڭ ەستەلىكتەرىنە وزگە كوزقاراس قالىپتاستىرۋ سياقتى ءابليازوۆتىڭ "توسىنسىيلارىنىڭ" سانىن تىزە بەرۋگە بولادى. مامىر ايىنداعى وپپوزيسيالىق قوزعالىستىڭ بەلدى مۇشەسى مۇحتار ابليازوۆكە قاتىستى ساياساتكەر سۇلتانبەك سۇلتانعالييەۆ كاراۆان سايتىنا سۇحبات ەردى دەپ حابارلايدى Qamshy.kz اقپارات اگەنتتىگى.

"مۇحتار ءابليازوۆتىڭ مامىر ايىنداعى مەرەكەلەر قارساڭىندا حالىقتى رۇقسات ەتىلمەگەن شەرۋلەرگە شاقىرۋى – ارازدىق تۋدىرۋدىڭ ايقىن كورىنىس. ول بۇل تيپتەگى شارالارعا قاتىسقان ازاماتتاردى پوليسيانىڭ اياۋسىز جازالايتىنىن جاقسى بىلەدى. رۇقسات ەتىلمەگەن شەرۋلەر ۇيىمداستىرۋ – بەيبىت شەرۋلەر تۋراسىنداعى قازىرگى زاڭدى بۇزۋ بولىپ سانالادى"، - دەيدى بەلگىلى ساياساتكەر.

ونىڭ ايتۋىنشا، بەلسەندى وپپوزيسيونەرگە بۇل ءتاسىلدى ۋاقىت سايىن قايتالاپ وتىرۋ پايدالى. ويتكەنى، ول وسى ايلاسى ارقىلى ءوزىنىڭ باسىنا ءتونىپ تۇرعان قازاقستانعا، رەسەيگە، ۋكراينا مەن شۆەيسارياعا ەكستراديسيالاۋ ءقاۋپىن سەيىلتە تۇسەدى. مۇحتار قابىل ۇلى اتالعان ەلدەردە قارجىلىق قىلمىسى ءۇشىن ىزدەستىرىلۋدە. ال وتانىندا كىسى ولىمىنە قاتىسى بار دەگەن دە سىبىس بار.

"قورىتا ايتقاندا، بۇلاردىڭ ءبارى قۋلىعىنا قۇرىق بويلامايتىن ساياساتكەردىڭ تەحنولوگيالارى. ءابليازوۆتى قازىرگى جۇيەگە ادال تۇردە قارسى تۇرىپ جۇرگەن "جاۋىنگەر" دەپ ايتۋ قيسىنسىز"، - دەپ ءتۇيدى ءسوزىن ساياساتكەر.

سونداي-اق، سۇلتانبەك سۇلتانعالييەۆ شەرۋگە مۇگەدەكتەرمەن، كىشكەنتاي بالالارىمەن شىققان ازاماتتار دا الگى ايلانىڭ قۇربانى ەكەنىن ايتتى. بۇل جىمىسقى ءتاسىل ارقىلى ول قوعامداعى شۋدىڭ ۇلەسىن ارتتىرا تۇسپەك.

اۋدارعان: ادىلەت مادەنيەت