11-مامىر كۇنى پاريج قالاسىندا اتاقتى "زۆۋك ي ياروست"، "بەلايا سۆادبا" جانە "ديەۆۋشكا يز نيوتكۋدا" كينوتۋىندىلارىنىڭ رەجيسسەرى، فرانسۋز ازاماتى جان-كلود بريسسو 74 جاسىندا قايتىس بولدى دەپ حابارلايدى Qamshy.kz اقپارات اگەنتتىگى فرانس-پرەسس باسىلىمىنا سىلتەمە جاساپ.
جەرگىلىكتى مەكەمەلەر رەجيسسەردىڭ نەدەن قايتىس بولعانى تۋرالى اقپاراتتى كورسەتپەدى. رەجيسەردىڭ تانىستارى ونىڭ ۇزاق ۋاقىت اۋىرىپ، اۋرۋحانادا كوز جۇمعانىن راستادى.
بريسسو ءوزىنىڭ "جاستار قازىلىعىنىڭ ارنايى سىيلىعىن" العان "زۆۋك ي ياروست" ءفيلمىنىڭ ارقاسىندا 1988 جىلى كانن كينوفەستيۆالىندە ەكى جۇلدەگە يە بولعان، ال 2003 جىلى رەجيسسەرعا "تاينىە ستراستي" ءفيلمى "جىلدىڭ ەڭ ۇزدىك كينەماتوگرافيستى" اتاعىن الىپ بەردى.
ەستەرىڭىزگە سالا كەتەيىك، 2012 جىلى بريسسو لوكارنو قالاسىندا 64ء-شى كينوفەستيۆالدىڭ جەڭىمپازى اتانىپ، "التىن لەوپارد" نوميناسياسىنىڭ يەگەرى بولدى، سونىمەن قاتار "ديەۆۋشكا يز نيوتكۋدا" كينولەنتاسى ءۇشىن 90 مىڭ شۆەيسار فرانكىمەن قورجىنىن تولتىرعان.
اۋدارعان: بەك بايتاس
