التاي اۋدانىندا جەر ءۇي تۇگەلىمەن ورتەنىپ كەتتى. ءورت سالدارىنان ءبىر ەر ادام قازا تاۋىپ، قالعان ءتورت ادامدى اۋرۋحاناعا جەتكىزدى دەپ حابارلايدى Qamshy.kz اقپارات اگەنتتىگى YK-news.kz سايتىنا سىلتەمە جاساپ.

ءورت پۋتينسيەۆ اۋىلىندا بولعان. ءۇي ورتەنىپ جاتقانىن كورگەن كۋاگەرلەر دەرەۋ قۇتقارۋشىلاردى شاقىرعان. كورشىلەر ورتكە ورانعان ۇيدەن 65 جانە 35 جاستاعى ايەلدى، سونىمەن قاتار 14-تەگى قىز بالانى جانە 4-جاسار بالانى الىپ شىقتى دەپ حابارلادى شىعىس قازاقستان وبلىسىنىڭ توتەنشە جاعدايلار دەپارتامەنتى. زارداپ شەككەندەر جەدەل-جاردەم دارىگەرلەرىنە تاپسىرىلىپ، دەرەۋ اۋرۋحاناعا جەتكىزىلدى.

«ءورت ءسوندىرۋ كەزىندە 1965 جىلى تۋعان ەر ادامنىڭ ءمايىتى انىقتالدى»، - دەدى توتەنشە جاعدايلار دەپارتامەنتى.

ءورتتىڭ جالپى اۋدانى – شارشى مەتر. بۇل جاعداي ەلەكتر جەلىسىن دۇرىس پايدالانباۋ سالدارىنان بولۋى مۇمكىن.

ۇسىنعان: مارجان سابەت