بيىل «الەۋمەتتىك مەديسينالىق ساقتاندىرۋ قورى» ماڭعىستاۋ فيليالى (ارى قاراي –فيليال) وبلىستاعى 55 مەديسينالىق ۇيىممەن كەلىسىم شارت جاساستى. ءوڭىر بويىنشا قاڭتار-اقپان ايلارىندا تەگىن مەديسينالىق كومەكتىڭ كەپىلدەندىرىلگەن كولەمى شەڭبەرىندە 22 247 ناۋقاس ەمدەلگەن. فيليال ساراپشىلارى مونيتورينگ جۇرگىزۋ بارىسىندا 2019 جىلدىڭ ەكى ايىندا 572 ءار ءتۇرلى زاڭ بۇزۋشىلىقتار بولعانىن راستاپ وتىر.
فيليال ماماندارى مەديسينالىق قىزمەت ساپاسىن باسقاراتىن ەلەكتروندى جۇيەنى قولدانۋ ارقىلى كۇن سايىن ستاسيونارلىق جانە ستاسيونارلىق ەمدەۋدى الماستىرۋشى مەديسينالىق كومەكتى باقىلاپ وتىرادى. باقىلاۋ قىزمەتتى ورىنداۋشى مەديسينالىق مەكەمەلەردىڭ رەەسترىنەن باستالادى. بۇدان كەيىن كەلىسىمشارتتى ورىنداۋ xاتتاماسى تولتىرىپ، اكت جاسالادى. بۇل ءۇردىس كۇن سايىنەمدەلۋگە كەلگەن ناۋقاستىڭ سانىنا بايلانىستى بولادى.
- باقىلاۋ كەزىندە قاڭتار-اقپان ايلارىندا 572 زاڭ بۇزۋشىلىق ورىن العانى انىقتالدى. بارلىق زاڭ بۇزۋشىلىقتاردىڭ 6،3%-ى، ياعني 36 زاڭ بۇزۋشىلىق مەديسينالىق قىزمەت كورسەتۋ باعاسىنىڭ نەگىزسىز قىمباتتاعانىنان بولىپ وتىر. ال 244 زاڭ بۇزۋشىلىق، ياعني 42،7%-ى مەديسينا قىزمەتكەرلەرىنىڭ ەمدەۋ-دياگنوستيكالىق شارالاردان باس تارتۋىنان تۋىنداعان، - دەيدى فيليالدىڭ مەديسينالىق قىزمەت ساپاسىن مونيتورينگتەۋ ءبولىمىنىڭ باسشىسى باسپايەۆا مادينا.
مادينا باسپايەۆانىڭ ايتۋىنشا، قاڭتار-اقپان ايلارىندا دەنساۋلىق ساقتاۋ سۋبەكتىلەرى قىزمەتىن تولەۋ ەرەجەلەرىنىڭكەيبىر نورمالارى بۇزىلعان، اتاپ ايتساق:
- مەديسينالىق نۇسقاۋلىقسىز كومەك كورسەتۋ (30 زاڭ بۇزۋشىلىق)،
- ناۋقاس تۋرالى مالىمەتتى ستاسيونارداعى ناۋقاستاردىڭ ەلەكتروندى رەەسترونا دۇرىس ەنگىزبەۋ (133 زاڭ بۇزۋشىلىق)،
- ناۋقاستىڭ جوسپاردان تىس قايتا اۋرۋxاناعا ءتۇسۋى (ءبىر كۇنتىزبەلىك ايدا ەمدەلگەن اۋرۋىنا قايتا شالدىعۋى) (6 زاڭ بۇزۋشىلىق).
2018 جىلدان باستاپ "الەۋمەتتىك مەديسينالىق ساقتاندىرۋ قورى" كەاق، تمككك پاكەتىنىڭ قارجى وپەراتورى قىزمەتىن اتقارىپ كەلەدى، قازاقستان رەسپۋبليكاسى دەنساۋلىق ساقتاۋ مينيستىرلىگى بەكىتكەن شارت بويىنشا، تۇرعىندار ءۇشىن مەديسينالىق قىزمەتتەردى ساتىپ الادى. ماڭعىستاۋ فيليالى قىزمەتتەردى ورىنداۋشى كلينيكالارمەن جالپى سوماسى 25،886 ملرد تەڭگەگە 73 كەلىسىمشارت ورناتىپ وتىر. ەكى اي ىشىندە 1024،060 مىڭ تەڭگەنى قۇرايتىن 1 كەلىسىمشارت قىزمەت كورسەتۋشى تاراپتىڭ قالاۋىمەن بۇزىلدى.
