اقتاۋدا قازاقستان رەسپۋبليكاسىنىڭ ۇلتتىق ۇلانىنىڭ ءان-بي ءانسامبلى قازاقستان رەسپۋبليكاسى ىشكى ىستەر مينيسترلىگىنىڭ باستاماسىمەن «ءبىزدىڭ ەلباسى» اكسياسى اياسىندا ونەر كورسەتتى.
كونسەرتتىڭ ماقساتى - جاستاردى وتانعا دەگەن سۇيىسپەنشىلىك پەن ۇلتجاندىلىققا تاربيەلەۋ، اسكەري ءومىردىڭ ۇزدىك ءداستۇرى مەن ۇرپاقتار ساباقتاستىعىن دارىپتەۋ.
گالا-كونسەرتتىك باعدارلامانى ق ر ۇلتتىق ۇلانى باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، گەنەرال-مايور مۇحامەتقالي ءساتوۆ اشتى.
-نەگىزىگى ماقسات تۇڭعىش پرەزيدەنت – ەلباسىنىڭ «رۋحاني جاڭعىرۋ» جانە «ۇلى دالانىڭ جەتى قىرى» باعدارلامالىق ماقالالارىن ءتۇسىندىرۋ، ازاماتتاردىڭ ۇلتتىق ۇلان اسكەري قىزمەتشىلەرىنە، ۇلتتىق ۇلان جاۋىنگەرلەرىنىڭ ەرلىك ارەكەتتەرىنە جانە ولاردىڭ اتقاراتىن قىزمەتتىك-جاۋىنگەرلىك مىندەتتەرىن ەل-جۇرتقا كەڭىنەن ۇلاعاتتاپ جەتكىزۋ،-دەيدى مۇحامەتقالي ءساتوۆ.
شارانىڭ كونسەرتتىك باعدارلاماسىندا مۇرات نۇرعازييەۆ، عايني جۇماشيەۆا، باۋىرجان تۇرعۇمبايەۆ سىندى ەلىمىزگە ەڭبەك سىڭىرگەن ونەر قايراتكەرلەرى مەن قازاقستان ەستراداسىنىڭ جۇلدىزدارى، حالىقارالىق بايقاۋلاردىڭ لاۋرەاتتارى ونەر كورسەتتى.
ۇلتتىق ۇلان ءان-بي ءانسامبلىنىڭ باستىعى ءارى كوركەمدىك جەتەكشىسى كاپيتان دارحان راحىمعالييەۆتىڭ جەتەكشىلىگىمەن ۇرپاقتار ساباقتاستىعى مەن پاتريوتيزم رۋحىن سىڭىرگەن اسكەري، كلاسسيكالىق، حالىق جانە ۇلتتىق اندەر شىرقالدى. سونداي-اق، كەلگەن قوناقتارعا قازىرگى زامانعى ەسترادا اندەرى، الەم حالىقتارىنىڭ بيلەرى ۇسىنىلدى
شارا سوڭىندا ماڭعىستاۋ وبلىسى اكىمىنىڭ ورىنباسارى رۋسلان ساكەيەۆ، وبلىس اكىمىنىڭ اتىنان شىعارماشىلىق ۇجىمعا العىس حات پەن ىقىلاس گۇلىن تارتۋ ەتتى.
