اقتاۋ قالاسىنداعى №6 ورتا مەكتەپتىڭ بازاسىندا ينكليۋزيۆتى ءبىلىم بەرۋدى قولداۋ ماقساتىندا رەسۋرستىق كابينەتتىڭ سالتاناتتى اشىلۋى ءوتتى. رەسۋرستىق كابينەت ماڭعىستاۋ وبلىسى ءبىلىم باسقارماسى مەن «دارا» قورىنىڭ «كەدەرگىسىز مەكتەپ» اتتى بىرلەسكەن جوباسى اياسىندا قازاقستانداعىاقش ەلشىلىگىنىڭ شاعىن گرانتتار باعدارلاماسىنىڭ قولداۋىمەن اشىلدى.
ينكليۋزيۆتى ءبىلىم بەرۋ - ءبىلىم بەرۋدىڭ ساپاسىن قامتاماسىز ەتۋگە باعىتتالعان ءبىلىم بەرۋ جۇيەسىنىڭ ترانسفورماسيالى باعىتتارىنىڭ ءبىرى. ينكليۋزيۆتى وقىتۋ جالپى ءبىلىم بەرۋ ورتاسىندا فيزيكالىق، ينتەللەكتۋالدىق جانە باسقا دا ەرەكشەلىكتەرىنە قاراماستان، بالالاردى جالپى وقىتۋ ورتاسىنا قوسۋدى قامتيدى.
«كەدەرگىسىز مەكتەپ» جوباسى «دارا» قورىنىڭ وبلىستىق ءبىلىم باسقارماسىمەن بىرلىگىندە قازاقستانداعى اقش ەلشىلىگىنىڭ «شاعىن گرانتتىق» باعدارلاماسىنىڭ قولداۋىمەن جۇزەگە اسىرىلادى. جوبانىڭ ماقساتى ەرەكشە قاجەتتىلىكتەرى بار بالالاردىڭ مەكتەپتە ءبىلىم الۋىنا جاعداي جاساۋ، اتاپ ايتقاندا: ەرەكشە قاجەتتىلىكتەرى بار بالالاردىڭ اتا-انالارىنا كەڭەس بەرۋ جانە كومەك كورسەتۋ، ينكليۋزيۆتىك ءبىلىم بەرۋ تاجىريبەسىن جۇزەگە اسىراتىن مۇعالىمدەردى ادىستەمەلىك قولداۋ، سونداي-اق ۇيدە وقيتىن بالالاردى الەۋمەتتەندىرۋ. وسى جوبانىڭ شەڭبەرىندە ينكليۋزيۆتى رەسۋرستىق كابينەت پەتروپاۆلدا 2019 جىلدىڭ اقپان ايىندا اشىلدى.
اقتاۋداعى № 6 ورتا مەكتەپتەگى ينكليۋزيۆتى ءبىلىم بەرۋدىڭ رەسۋرستىق كابينەتى - بۇل ءتورت ايماقتان تۇراتىن كەڭىستىك: اتا-انالار كەڭەسى ايماعى،بالانىڭ دەمالىس ايماعى، مۇعالىمدەر مەن مامانداردىڭ توپتىق جۇمىسى ايماعى، سونداي-اق جەكە ساباقتار وتكىزۋ ايماعى. وسىلايشا، مەكتەپتە كەز-كەلگەن تۇلعانى دامىتۋ ءۇشىن ءار ءتۇرلى اتموسفەرا مەن جاعدايلار جاسالادى.
الداعى ۋاقىتتا رەسۋرستىق كابينەتتەك وزدەرىنىڭ ەمەس، قالانىڭباسقا دا مەكتەپتەرىندەگى ەرەكشە قاجەتتىلىكتەرى بار بالالارعا قىزمەت كورسەتە الادى.
رەسۋرستىق ورتالىق جۇمىسى ۇيدەن وقىتىلاتىن بالالارعا ەرەكشە نازار اۋدارادى. جوبا شەڭبەرىندە بالالارمەن ارالاسۋ جانە قارىم-قاتىناس جاساۋ ماقساتىندا ءارتۇرلى سىنىپتان تىس ءبىلىم بەرۋ ءىس-شارالارى ۇيىمداستىرىلادى. وسىعان دەيىن مەكتەپ وقۋشىلارى قالانىڭ وكەاناريۋمىنا، تەاترلاندىرىلعان قويىلىمدارعا باردى جانە جوسپارلارعا سايكەسكينوعا، تەاتر قويىلىمدارىنا، اسپازدىق شەبەرلىك كلاستارىنا بارۋ ۇيىمداستىرىلادى.
بۇدان باسقا، «كەدەرگىسىز مەكتەپ» جوباسى شەڭبەرىندە مۇعالىمدەردى تۇراقتى تۇردە وقىتۋ، باسقا مەكتەپتەردىڭ پەداگوگتارىمەن تاجىريبە الماسۋ، ءبىلىم بەرۋدىڭ كوماندالىق جۇمىسى مەن تۇزەتۋدى قولداۋ جۇمىسى جوسپارلانعان.
