مەركەل رامازان ايىندا مۇسىلمان كاسىپكەرلەردى سالىقتان بوساتتى دەپ جازادى Qamshy.kz اقپارات اگەنتتىگى fedpress.ru سايتىنىڭ دەرەگىن نەگىزگە الىپ. سالىقتان بوساتىلعانداردىڭ قاتارىندا مۇسىلماندارعا ارنالعان ساۋدا ورىندارىنىڭ باسشىلارى، كافە-رەستورانداردىڭ يەلەرى بار. انگەلا مەركەلدىڭ ايتۋىنشا، بۇل ولاردىڭ ءوز تاۋارى مەن قىزمەتىنىڭ باعاسىن تومەندەتۋگە ىقپال ەتەدى.

بۇل جارلىقتىڭ باستى ماقساتى ورازا كەزىندە كاسىپكەرلەردى ءوز تاۋارلارىنىڭ باعاسىن ارزانداتۋعا شاقىرۋ. ياعني، بۇل جەڭىلدىك ورازا ۇستاعان باسقا دا مۇسىلمانداردى قولجەتىمدى ازىق-تۇلىكپەن قامتاماسىز ەتىپ، ارزان باعادا قىزمەت كورسەتۋ ءۇشىن جاسالعان. 

"گەرمانياداعى مۇسىلمانداردىڭ كوپشىلىگى قۇرمەتتى ءارى مەيىرىمدى. سونداي-اق ولار ەلدەگى بارلىق كونستيتۋتسيا تالاپتارى مەن ەرەجەلەرىن مۇلتىكسىز ورىندايدى. يسلام ءدىنى گەرمانيا ەلىنىڭ ءبىر بولىگىنە اينالعانىن جاسىرا المايمىز"، - دەيدى مەركەل. سونداي-اق مەركەل بيلىك كەز كەلگەن دىنگە قۇرمەتپەن قارايتىنىن اتاپ ءوتتى. 

اۋدارعان: اسەل بولات قىزى