ۋكراينانىڭ قازىرگى پرەزيدەنتى پەتر پوروشەنكو جوعارى سوت كەڭەسىنىڭ مۇشەلەرىن تاعايىندايتىن جارلىققا قول قويدى.

كەڭەس مۇشەلەرىنىڭ جاڭا ورىنىنا № 217/2019 جانە № 218/2019 بۇيرىققا سايكەس ميحايل يسكاكوۆ جانە اندرەي ۆاسيلەنكو بەكىتىلدى. بۇل قاۋلىسىن پرەزيدەنت ءوز سايتىندا جاريالادى دەپ حابارلايدى Qamshy.kz اقپارات اگەنتتىگى ەاD سايتىنا سىلتەمە جاساپ

بۇل ماسەلەگە قاتىستى ۋكراينانىڭ پرەزيدەنت اكىمشىلىگى باسشىسىنىڭ بۇرىنعى ورىنباسارى، ادۆوكات اندرەي پورتنوۆ ءوز پىكىرىن ءبىلدىردى. ونىڭ ايتۋىنشا، پوروشەنكونىڭ ىس-ارەكەتى بيلىكتى تارتىپ الۋعا باعىتتالعان.

–مىنە، پوروشەنكو بيلىكتى تىكەلەي تارتىپ الۋدى باستادى. ول جاي عانا ەكى ادامدى سوت كەڭەسىنىڭ مۇشەسى قىلىپ قويمادى، سونىمەن قاتار ءوزىنىڭ بەس جىل بۇرىنعى زاڭ الدىنداعى ەركىندىگىن جوعالتىپ الامىن دەپ قورىقتى. ول وسىنىڭ بارلىعىن جاساماس بۇرىن، الدىمەن ءوزىن ەشقانداي بايقاۋسىز  ءجۇو (جوعارى ۇكىمەتتىك وكىلەتتىلىك) مۇشەسى ەتىپ سايلادى، وسىلايشا قۇيتىرقى ارەكەتتەرىن جاساي بەرۋگە مۇمكىندىك الدى"،- دەدى  زاڭ قىزمەتكەرى.

پورتنوۆ مۇنداي باسسىزدىققا ۋكراينا تاريحىندا ءالى ەشكىم بارماعانىن ايتىپ، قىزمەتىن اسىرا پايدالاندى دەگەن ايىپ تاعىپ وتىر.

–ونى بيلىكتەگى وكىلەتتىلىگىن توقتاتقان كۇنى قولىنا كىسەن سالىپ، جانىنا كۇزەت قويىپ، سوت زالىنا الىپ بارۋ كەرەك. جاقىن ارادا پوروشەنكو بيلىكتەن كەتكەن كۇنى وعان قاتىستى   تالاپ-ارىز تۇسىرەمىز،- دەپ زاڭگەر ءسوزىن قورىتىندىلادى.

جاقىندا عانا پوروشەنكونىڭ ۇستىنەن پراۆيتبانككە قاتىستى قىلمىستىق ءىس جۇرگىزىلەتىنىن ايتقانبىز.

وقي وتىرىڭىز: پوروشەنكونىڭ ۇستىنەن قىلمىستىق ءىس قوزعالدى

 اۋدارعان: بەك بايتاس