اقپارات جانە قوعامدىق دامۋ ءمينيسترى داۋرەن ابايەۆ 9-مامىردا عالامتور جۇيەسى مەن كەيبىر الەۋمەتتىك جەلىلەردىڭ بۇعاتتالۋىنا قاتىستى جاۋاپ بەردى دەپ حابارلايدى Qamshy.kz اقپارات اگەنتتىگى bestnews.kz سايتىنا سىلتەمە جاساپ.
ەستەرىڭىزگە سالا كەتسەك، 9-مامىردا ەلىمىزدىڭ كەيبىر قالالارىندا كۇنى بويى ينتەرنەت جانە الەۋمەتتىك جەلىلەر مەن مەسسەندجەرلەر ىستەن شىققان بولاتىن.
"قۇرمەتتى ارىپتەستەر، اقپارات جانە قوعامدىق دامۋ مينيسترلىگى بايلانىسقا جاۋاپ بەرمەيدى جانە بۇل ءبىزدىڭ مينيسترلىك اتقاراتىن مىندەتتەر قاتارىنا كىرمەيدى. ءبىراق، تەحنيكالىق اقاۋلاردىڭ بولعانى راس. بۇل سۇراقتى پروۆايدەرلەرگە قويىپ، انىقتاپ الۋلارىڭىزعا بولادى"،-دەدى مينيستر مىرزا.
جۋرناليستتەردىڭ "الداعى ۋاقىتتا دا وسىنداي بۇعاتتاۋ ارەكەتتەرى بولا ما؟" دەگەن سۇراعىنا:
"جاۋاپ بەرە المايمىن. بايلانىسقا ءبىزدىڭ مينيسترلىك جاۋاپ بەرمەيدى. اقپارات جانە قوعامدىق دامۋ مينيسترىلىگىنىڭ بۇعاتتاۋ شارالارىنا ەشقانداي قاتىسى جوق"،-دەدى مينيستر ابايەۆ.
اۋدارعان: داۋرەن سىبانباي
پىكىر قالدىرۋ