9 ماۋسىمدا وتەتىن كەزەكتەن تىس پرەزيدەنتتىك سايلاۋعا بايلانىستى كانديداتتار سايلاۋالدى ۇگىت-ناسيحات جۇمىستارىن باستاپ كەتتى. ءارقايسىسى حالىقتىڭ كوڭىلىنەن شىعۋعا تىرىسقانداي بولىپ، ۋادەلەرىن ۇيىپ-توگۋدە. ءار كانديدات ەلدەن ەرەكشە بولۋعا تىرىساتىنى بەلگىلى. ازىرگە ءستيلى جاعىنان ەلدەن ەرەك بولعانى — توقايەۆ. ونىڭ سەبەبى دە ايقىن. حالىقارالىق تاجىريبەسى باي ديپلومات قاراجات جاعىنان دا قيىندىق كورىپ وتىرماعانى جاسىرىن ەمەس.
پرەزيدەنت بيلبوردتاردا ءوزىنىڭ تەگىن "گالوچكا" بەلگىسىمەن ەرەكشە ەتىپ كورسەتە ءبىلدى. سونداي-اق توقايەۆتىڭ "V" ارىپىنە ۇقساس يشارا بەلگىنى دە كورسەتكەن فوتوسى بار. ول بۇل بەلگى ارقىلى نە ايتقىسى كەلەتىنىن Qamshy.kz اقپارات اگەنتتىگىنىڭ ءتىلشىسى زەرتتەپ كوردى.
"گالوچكا" نەنى بىلدىرەدى؟
بۇل بەلگى ريم يمپەرياسى كەزىندە پايدالانا باستاعان. قازىرگى تاڭدا اتالمىش بەلگىنى الەمنىڭ تۇكپىر-تۇكپىرىندە قولدانادى. سول كەزدە "گالوچكا" veritas ءسوزىنىڭ قىسقارتىلعان ءتۇرى رەتىندە قولدانعان. بۇل شىندىق دەگەن ماعىنانى بىلدىرەدى. كەيىن جازۋ-سىزۋدىڭ دامۋىنا بايلانىستى بەلگى ازداعان وزگەرىسكە ۇشىراپ، سول جاق سىزىعى قىسقارىپ، وڭ جاق سىزىعى ۇزاردى.
توقايەۆ "V" يشاراسى ارقىلى نە ايتقىسى كەلدى؟
بۇل يشارا امەريكانىڭ بۇرىنعى پرەزيدەنتى ريچارد نيكسون مەن بريتاندىق پرەمەر-مينيستر ۋينستون چەرچيلل ارقىلى الەمگە تانىمال بولعان دەسەدى. ولار بۇل يشارانى جەڭىستىڭ بەلگىسى رەتىندە قولدانعان. ال العاش رەت 1415 جىلى تانىلعان. بۇل يشارانى فرانسۋزدار مەن بريتاندىقتاردىڭ سوعىسىنان كەيىن العاش رەت بريتاندىقتار كورسەتكەن. فرانسۋزدار "بريتاندىق ساداقشىلاردىڭ 2 ساۋساعىن كەسەمىز" دەپ قورقىتقان. سول جىلدارى تۇتقىنعا تۇسكەن ساداقشىلاردىڭ 2 ساۋساعىن كەسەتىن بولعان. الايدا بۇل سوعىستا بريتاندىقتار جەڭىسكە جەتەدى. سوعىستان كەيىن "ءبىزدىڭ 2 ساۋساعىمىز امان، ءبىز جەڭدىك" دەگەن ماعىنادا بريتاندىقتار "V" ارىپىنە ۇقساس يشارانى قولدانىسقا ەنگىزەدى. ال 1960 جىلدان كەيىن بۇل يشارا بەيبىتشىلىكتىڭ سيمۆولىنا اينالدى.
ال توقايەۆ بولسا، بۇل يشارا ارقىلى جەڭىسكە دەگەن سەنىمدىلىگىن كورسەتكىسى كەلگەن بولۋى بەك مۇمكىن.
بۇل يشارانى المدە تانىمال جۇلدىزدار مەن ساياساتكەرلەر ءجيى كورسەتەدى نەمەسە پايدالانادى. ولار بۇل يشاراسى ارقىلى ءوزىنىڭ الەمگە تانىمال ەكەنىن كورسەتكىسى كەلسە، الەمدىك پرەزيدەنتتەر دە بۇل ارقىلى ءوزىنىڭ پىكىرىن، ويىن جەتكىزىپ جاتادى.
"V" يشاراسىن كورسەتكەن الەمگە تانىمال تۇلعالار
مايكل دجەكسون
فۋتبولشى كريستيانو رونالدۋ
ۋكراينانىڭ پرەزيدەنتى زەلەنسكيي
ۋيلل سميت اكتەر
رەسەي پرەزيدەنتى ۆلاديمير پۋتين
پىكىر قالدىرۋ