ەلەكتروندى كوممەرسيانىڭ دامۋى ەلىمىزگە مول پايداسىن تيگىزەدى. جۇڭگو تاۋارلارىنىڭ بارلىعى ەۋروپاعا قازاقستان جولى ارقىلى وتەدى، وسى ارقىلى كومپانيالار ءىرى تابىسقا يە بولا الادى. بۇل تۋرالى بۇگىن، 14-مامىردا قر-نىڭ ۇلتتىق ەكونوميكا ءمينيسترى رۋسلان دالەنوۆ ۇكىمەتتىك وتىرىستا مالىمدەدى دەپ حابارلايدى Qamshy.kz اقپارات اگەنتتىگى EAD سايتىنا سىلتەمە جاساي وتىرىپ.
"قازاقستان جۇڭگو مەن ەۋروپا اراسىنداعى وتە ىڭعايلى گەوگرافيالىق جەردە ورنالاسقان. بۇگىنگى تاڭدا بىزدە قازاقستان اۋماعى ارقىلى ينتەرنەت جەلىلەرىنىڭ قولدانىستاعى كولەمىن قايتا باعىتتاۋدىڭ بارلىق ينفراقۇرىلىمدىق جانە پروسەدۋرالىق مۇمكىندىكتەرى بار"- دەدى مينيستر.
"باتىس ەۋروپا - باتىس جۇڭگو" تاس جولىنىڭ ارقاسىندا 2025 جىلعا قاراي ءترانزيتتىڭ كولەمىن 864 ملن-عا ءوسىرۋ جوسپارلانىپ وتىر. بۇل قازاقستاندىق كومپانيالارعا 132 ملرد تەڭگەدەن 1 تريلليون 270 ميلليارد تەڭگەگە دەيىن پايدا تابۋعا مۇمكىندىك بەرەدى"، - دەدى ول.
ق ر پرەمەر-مينيسترى اسقار ءماميننىڭ ايتۋىنشا، ەلەكتروندى كوممەرسيانىڭ ەكونوميكاعا مۋلتيپليكاتيۆتى اسەرى ءجىو-نىڭ جىل سايىنعى ۇلەسىن 1،1% دەڭگەيدە بولجاۋعا مۇمكىندىك بەرەدى، ال ەۋروپاعا 2025 جىلعا قاراي قىتايدان كۇن سايىن 2 مىڭنان 21 مىڭعا دەيىن تاسىمالداۋ قارقىندىلىعى ارتادى.
اۋدارعان: بەك بايتاس
پىكىر قالدىرۋ