امەريكالىق عالىمدار ماريانا شۇڭعىماسىنىڭ تۇبىنەن شايان تارىزدىلەردىڭ ءتورت جاڭا ءتۇرىن، پلاستيكالىق پاكەت جانە كونفەت قاپتامالارىنىڭ قالدىقتارىن تاپتى دەپ حابارلايدى Qamshy.kz اقپارات اگەنتتىگى رامبلەر سايتىنىڭ دەرەگىن نەگىزگە الىپ.

زەرتتەۋ جۇمىستارىن ۆيكتور ۆەسوكوۆ باستاعان «بەس تەرەڭدىك» زەرتتەۋ ەكسپەديسيسىنىڭ قاتىسۋشىلارى جۇرگىزگەن. 

ەكسپەديسيا باسشىسى ۆيكتور ۆەسوكوۆ ارنايى دايىندالعان باتيسكافپەن (تەرەڭ سۋدا زەرتتەۋلەر جۇرگىزۋگە ارنالعان وزدىگىنەن جۇزەتىن اپپارات) ماريانا شۇڭعىماسىنىڭ 11 شاقىرىم تەرەڭدىگىندە 4 ساعاتقا جۋىق ۋاقىت بولعان. بۇل تاريحتاعى ادام بالاسى باعىندارعان ەڭ تەرەڭ نۇكتە.

ەكسپەديسيا مۇشەلەرى ءارتۇرلى وسىمدىكتەردىڭ جاڭا تۇرلەرىن جانە شايان تارىزدەستەر توبىنىڭ ءتورت جاڭا ءتۇرىن تاپقان.

تاڭعاجايىپ تابىلۋلار ىشىندە پلاستيكالىق پاكەت پەن كونفەت قاپتامالارى دا بار. زەرتتەۋشىلەردىڭ ايتۋىنشا، ادامزاتتىڭ ەكولوگياعا كەلتىرىپ جاتقان زيانى، جەر شارىنىڭ ادام تىرشىلىك ەتپەيتىن تۇڭعيىعىندا دا كورىنىس بەرىپ تۇر. عالىمدار ەندىگى كەزەكتە، قوقىس قالدىقتارىنىڭ مۇحيتتان تابىلعان تىرشىلىك يەلەرى ءۇشىن قانشالىقتى زيان ەكەنىن تولىق زەرتتەپ كورمەك. 

بۇعان دەيىن، فيليپپين ارالدارىنان تابىلعان كيتتىڭ اسقازانىنان 40 كەلى پلاستيكالىق پاكەت قالدىقتارى شىققان بولاتىن. وسىعان ۇقساس جاعداي يتاليانىڭ ساردينيا ارالىندا دا قايتالانعان-دى. ءولى كيتتىڭ ىشىنەن 22 كەلى پلاستماسسا قالدىقتارى تابىلعان.

اۋدارعان: داۋرەن سىبانباي