ق ر پرەزيدەنتى قاسىم-جومارت توقايەۆ قىزىلوردا وبلىسىنىڭ جۇرتشىلىعىمەن كەزدەسۋ بارىسىندا مۇناي-كەن ورىندارىنداعى جەراستى رەسۋرستارىنىڭ بوستان-بوسقا دالاعا كەتىپ جاتقانى تۋرالى ايتىپ، شارا قولدانۋ قاجەتتىگىن جەتكىزدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.

"قازىرگى ۋاقىتتا ايماقتاعى مۇناي-گاز وندىرەتىن ورىندارداعى سۇيىق وتىننىڭ شىعارىلۋ ۇدەرىسى باقىلاۋعا الىنعان. ءبىراق ءالى كۇنگە دەيىن ونىڭ ورىنىن تولتىرۋ ءجوندى جولعا قويىلماي كەلەدى. جەدەل تۇردە رەسۋرستىق بازانى كەڭەيتۋ شارالارىن جۇرگىزۋ كەرەك"، - دەدى توقايەۆ.

ونىڭ ايتۋىنشا، قازىرگى ۋاقىتتا جۇمىس جاساپ تۇرعان مۇناي شۇڭقىرلارىنا زاماناۋي تەحنولوگيالار مەن جاڭا ادىس-تاسىلدەردى ەنگىزۋ قاجەت.

پرەزيدەنت، سونىمەن قاتار، ايماقتاعى ورتاشا ايلىق تابىس كولەمىنىڭ رەسپۋبليكالىق ورتاشا ەسەپپەن سالىستىرعاندا وتە تومەن ەكەنىن ايتتى.

"بۇل ماسەلەنى ءبىر كۇندە نەمەسە ءبىر ايدا شەشە المايمىز. مەن ونى تۇسىنەمىن. ءبىراق جاعدايدى وزگەرتۋ كەرەك. ايماقتاعى جالاقى مولشەرىن كوبەيتۋ – بيلىك پەن وبلىس اكىمدىگىنىڭ باستى ماقساتى"، - دەدى ول.

ۇسىنعان: ادىلەت مادەنيەت