الماتى، نۇر-سۇلتان سياقتى ءىرى قالالاردا جانە شەتەلدە ەلىمىزدەگى كەزەكتەن تىس سايلاۋعا قاتىستى قارسىلىق شارالارى ۇيىمداستىرىلىپ، ءبىرقاتار ازاماتتار اكىمشىلىك جاۋاپكەرشىلىككە تارتىلدى. وسىنداي شارالاردىڭ ۇيىمداستىرىلۋى مەن قاتىسۋشىلارىنىڭ جازالانۋى تۋرالى ءبىرقاتار دەپۋتاتتار پىكىر ءبىلدىردى دەپ حابارلايدى Qamshy.kz اقپارات اگەنتتىگى ازاتتىق راديوسىنا سىلتەمە جاساپ. 

دانيا ەسپايەۆا، ءماجىلىس دەپۋتاتى، "اق جول" پارتياسى ۇسىنعان پرەزيدەنتتىككە ۇمىتكەر

"بۇل تۋرالى بىزدەر ەندى تەك اقپاراتتان بىلەمىز عوي. ءقازىر ءبىزدىڭ زاڭگەرلەر بۇل جاعدايدى قاراپ جاتىر. ەكى-ۇش كۇن كولەمىندە پىكىر ءبىلدىرىپ قالار. ال مەنىڭ جەكە پىكىرىم – مۇنداي جاعدايلاردى ناقتىلاپ قاراۋ كەرەك".

تاراس حيتۋوۆ، ءماجىلىس دەپۋتاتى

"ولار ەشكىمدى قورلاعان جوق، زورلاعان جوق، ولتىرگەن جوق. مۇمكىن، ولار دۇرىس جاساماعان شىعار. ولارعا ءتۇسىندىرۋ كەرەك، جەتكىزۋ كەرەك. مۇنداي دۇنيەلەر تەك رۇقساتپەن بولۋ كەرەك. ەگەر رۇقسات السا، وندا ولاردىڭ بەتىنەن قاعار ەشكىم بولماسى انىق. رۇقسات بەرمەسە، ءتارتىپ بۇزباۋ كەرەك".

دارحان مىڭباي، ءماجىلىس دەپۋتاتى

"سوت شەشىمى شىققان با؟ ەگەر شىقپاسا، سۇراقتى سولارعا قويىڭىزدار. سوت شەشىمى بولماسا، مەن ايتار ەدىم".

گەنناديي شيپوۆسكيح، ءماجىلىس دەپۋتاتى

"ءبىز بۇل جاعدايدىڭ باسى-قاسىندا بولماعاننان كەيىن ەشتەڭە ايتا المايمىز. سولاي. ءبىراق ەندى بۇگىنگى تاڭدا قوعام بىرىگۋى كەرەك. بىرىككەندە دە دۇرىس جول سالۋىمىز كەرەك. ەشقانداي پروۆوكاسيالارعا جول بەرمەۋىمىز شارت".

يرينا سميرنوۆا، ءماجىلىس دەپۋتاتى

"مەن ءقازىر بۇل تاقىرىپتى قوزعاۋعا ءتىلىم بارمايدى. ويتكەنى، بارلىعىن سوت شەشتى عوي. ءبىراق ازامات رەتىندە بۇل ءسوزدى ءاربىر ادامنىڭ ايتۋعا قۇقىعى بار. "وت پراۆدى نە ۋبەجيش"، "شىندىقتان قاشا المايسىڭ".

ءبىر-بىرىنىڭ اۋىزىنا تۇكىرىپ قويعانداي "مەن ەشتەڭە ايتا المايمىن" دەپ اقتالدى ءبارى، تۇگە.

دايىنداعان: ادىلەت مادەنيەت