اقش پرەزيدەنتى دونالد ترامپ پوليسيا قىزمەتكەرلەرىن جازىم ەتكەن جاۋىزداردى ءولىم جازاسىنا كەسۋدى ۇسىندى دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

پرەزيدەنت بۇل تۋرالى قىزمەتتىك مىندەتتەرىن ورىنداۋ بارىسىندا قازا تاپقان پوليسيا قىزمەتكەرلەرىن ەسكە الۋ كەشىندە ايتقان.

سونىمەن قاتار، ءتارتىپ ساقشىلارىنا جاسالاتىن شابۋىلداردى ازايتۋ ءۇشىن، پوليسيا قىزمەتكەرلەرىن ولتىرگەن قىلمىسكەرلەردى "جەدەل" تۇردە ءولىم جازاسىنا كەسۋدى ۇسىندى.

"پوليسيا قىزمەتكەرلەرىن ولتىرگەن قىلمىسكەرلەر سوت شەشىمىمەن جەدەل تۇردە ءولىم جازاسىنا كەسىلۋى كەرەك. سوت پروسەسسى ءادىل ءارى، جىلدام ءوتۋى قاجەت"،-دەدى پرەزيدەنت ءوز سوزىندە.

ەستەرىڭىزگە سالا كەتەيىك، ترامپ پيتتسبۋرگدەگى قاندى وقيعادان كەيىن، ەلدەگى ءولىم جازاسى تۋرالى تۋرالى زاڭدى قاتاڭداندىرۋدى ۇسىنعان بولاتىن. 2018 جىلى پيتتسبۋرگدە سينوگوگا عيماراتىنا باسا-كوكتەپ كىرگەن قىلمىسكەر قۇلشىلىق ەتىپ وتىرعان 11 ادامدى ولتىرگەن، ونىڭ ىشىندە 4 پوليسەي قازا تاپقانى بەلگىلى. 

اۋدارعان: داۋرەن سىبانباي