نۇرسۇلتان نازاربايەۆ استانا ەكونوميكالىق فورۋمىندا ءسوز سويلەدى دەپ جازادى Qamshy.kz اقپارات اگەنتتىگى. اشىلۋ سالتاناتىندا توقايەۆ تۋرالى ءسوز قوزعادى.  سونداي-اق قازاقستاندى ءبىر عانا پرەزيدەنت باسقاراتىنىن مالىمدەدى.

"مەن توقايەۆتى اياقسىز قالعان ءىستى جالعاستىراتىن، دايىندىقتان وتكەن تاجىريبەلى ادام دەپ ەسەپتەيمىن. مەن تەك جاڭا پرەزيدەنتكە قولداۋ كورسەتەمىن. سونداي-اق تىنىشتىقتى قامتاماسىز ەتىپ جانە باستالعان ءىستى اياعىنا دەيىن جەتكىزەمىن"، - دەدى ەلباسى. 

سونداي-اق نازاربايەۆ ازداعان قولايسىزدىق تۋدىرعان ماسەلەلەر تۋرالى دا پىكىر ءبىلدىردى. 

"مەن ازداعان قولايسىزدىقتار تۋدىردىرعانىمدى بىلەمىن. سىزدەرگە شاراعا "ءبىرىنشى پرەزيدەنت"، سوسىن پرەزيدەنت قاتىستى دەپ ايتۋعا تۋرا كەلەدى. مەن قازاقستاندى 2 پرەزيدەنت باسقارادى دەپ ويلامايمىن. ءبىر عانا پرەزيدەنت بولادى جانە سول باسقارادى. سايلاۋدان سوڭ ءبارىمىز ءوزىمىز تاڭداعان پرەزيدەنتكە قىزمەت ەتەمىز"، - دەدى ەلباسى.

وقي وتىرىڭىز: 

♦نازاربايەۆ: سايلاۋعا قاتىسسام، ءسوزسىز جەڭىسكە جەتەر ەدىم

دايىنداعان: اسەل بولات قىزى