ەلباسى نۇرسۇلتان نازاربايەۆ جاڭا جاساقپەن سايلاۋعا قاتىسار بولسا، ءسوزسىز جەڭىپ شىعارىنا سەنىمدى دەپ حابارلايدى Qamshy.kz اقپارات اگەنتتىگى.

قازاقستان رەسپۋبليكاسىن 30 جىل باسقارعان نازاربايەۆ 20-ناۋرىزدان باستاپ وكىلەتتىلىگىن توقتاتقان بولاتىن. ورنىنا  سەنات پارلامەنتىنىڭ ءتوراعاسى قاسىم-جومارت توقايەۆ كەلدى. قازاقستانداعى كەزەكتەن تىس سايلاۋ 9-ماۋسىم كۇنى وتەدى. توقايەۆتى ەسەپكە العاندا جەتى كانديدات تىركەلگەن.

"جاسالعان جوبالار مەن تىڭ يدەيالاردىڭ ارقاسىندا حالىقپەن تىعىز بايلانىستا جۇمىس جاساپ، مەن بەس سايلاۋعا قاتىستىم، ەشبىرىنەن حالىق ماعان 85%- دان تومەن داۋىس بەرمەدى. وسىنىڭ بارلىعى حالىقپەن ارامىزدا تۇسىنىسپەۋشىلىك بولماۋىنىڭ ارقاسىندا. بۇل جاعدايدى ماماندارمەن قاتار، بارلىق كورشى ەلدەر جوعارى دارەجەدە باعالاپ وتىر."،- دەدى ەلباسى نۇر-سۇلتانداعى فورۋمعا كىرمەس بۇرىن.

پرەزيدەنتتىك وكىلەتتىلىگى اياقتالماعانىن ايتىپ، ءارى قاراي جۇمىس ىستەي بەرۋگە بولاتىنىن دا جاسىرمادى.

"ءوز كانديداتۋرامدى ۇسىنعان كۇننىڭ وزىندە بارلىق قازاقستاندىقتار داىسىن ءبىراۋىزدان ماعان بەرەتىن ەدى، ءبىراق ەلگە جاڭا وزگەرىستەر، جاڭا جوبا، جاڭا ۇرپاقتىڭ وكىلدەرى قاجەت. جاڭادان كەلگەن جاساق ەلدىڭ ەكونوميكاسىنا وزگەرىس الىپ كەلەرى داۋسىز"،- دەدى قازاقستاننىڭ تۇڭعىش پرەزيدەنتى.

وقي وتىرىڭىز:

نازاربايەۆ: مەن تەك جاڭا پرەزيدەنتكە قولداۋ كورسەتەمىن

دايىنداعان: بەك بايتاس