ۋكراينانىڭ جاڭادان سايلانعان پرەزيدەنتى ۆلاديمير زەلەنسكييدىڭ ۇلىقتاۋ ءراسىمى 20-مامىر كۇنى ساعات 10:00-دە پارلامەنت زالىندا باستالادى دەپ جازادى Qamshy.kz اقپارات اگەنتتىگى "ينتەرفاكس" سايتىنا سىلتەمە جاساپ.
يناۋگۋراسياعا ءتيىستى جوبانى(10270-2) 315 دەپۋتات قولدادى.
جوعارى رادا رەگلامەنتى بويىنشا، پارلامەنت ۇلىقتاۋ كۇنىن سايلانعان پرەزيدەنتپەن كەلىسىپ بەكىتۋ كەرەك. ال زەلەنسكيي ءراسىمدى 19-مامىردا وتكىزۋىن سۇراعان بولاتىن. ءبىراق دەپۋتاتتاردىڭ ايتۋىنشا، 19-مامىر – ساياسي جازالاۋ قۇرباندارىن ەسكە الۋ كۇنى بولعاندىقتان ۇلىقتاۋ كۇنىن اۋىستىرۋعا ءماجبۇر بولدى.
ەستەرىڭىزگە سالا كەتەيىك، پرەزيدەنت سايلاۋىنىڭ 2-تۋر ناتيجەسىندە 73،22% داۋىس جيناعان ۆلاديمير زەلەنسكيي ۋكراينانىڭ جاڭا مەملەكەت باسشىسى بولىپ سايلاندى.
اۋدارعان: يلدار اديلچەنوۆ
