بۇگىن №137 قالالىق اۆتوبۋستىڭ جۇرگىزۋشىسىنىڭ "ءبىرتۇرلى" قىلىعىن جولاۋشىلار تاسپاعا تارتىپ الىپ، جەلىگە جۇكتەدى. ۆيدەودا جولاۋشى مەن جۇرگىزۋشىنىڭ توبەلەسىپ جاتقانى انىق بايقالادى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

ەكى ەر ادامنىڭ جاعا جىرتىسى بۇگىن تاڭەرتەڭ №137 قوعامدىق كولىكتە ورىن العان. كۋاگەرلەردىڭ ايتۋىنشا، اۆتوبۋس جۇرگىزۋشىسى ءوزىن دۇرىس ۇستاماعان. ناقتىراق ايتساق، ەكى ايالداماعا توقتاماي، جولاۋشىلاردىڭ وتىنىشىنە قۇلاق اسپاعان. كولىكتى توقتاتقاننان كەيىن دە ءبىراز ۋاقىتقا دەيىن ەسىكتى اشپاي، جولاۋشىلارمەن ۇرىسىپ وتىرىپ العان ەكەن.

"الماتى قالاسىنىڭ جولاۋشىلار تاسىمالى قىزمەتىنىڭ نازارىنا! بۇگىن، 16.05.2019 كۇنى ساعات 7:15 شاماسىندا №137 اۆتوبۋستىڭ جۇرگىزۋشىسى قايرات ىقشاماۋدانىندا ەكى ايالداماعا توقتاماي ءوتىپ كەتتى. ادامدار جۇمىسقا كەشىگۋدە. ۆيدەونى باسىنان تۇسىرمەدىم. ءبىراق جولاۋشىلار قاۋىپسىزدىگىنىڭ دەڭگەيى وسىدان-اق كورىنىپ تۇر عوي" - دەپ جازدى كۋاگەر جەلىدەگى جازباسىندا.

الگى اۆتوبۋس باعىتىنا جاۋاپتى "الماتىەلەكتروترانس" كومپانياسى اتالعان فاكتىنى قابىلداپ، تەكسەرۋ امالدارىن جۇرگىزىپ جاتقانىن مالىمدەدى.

"فاكتىنى قابىلدادىق. ءقازىر تەكسەرىپ جاتىرمىز. ءبىراق ۆيدەودا جۇرگىزۋشىنىڭ قىلىعى قاتە ەكەنىن بىردەن بايقاۋعا بولادى. ازىرگە باسقا مالىمەت بەرە المايمىز"، - دەدى "الماتىەلەكتروترانس" ج ش س باسشىسى ريزۆان سينايەۆ.

ءقازىر الگى جۇرگىزۋشى رەيستەن الاستاتىلدى. ۆيدەو بويىنشا تەكسەرۋ جۇمىستارى جۇرگىزىلۋدە. قورىتىندىعا سايكەس، ءتيىستى شارا قولدانىلماق.

اۋدارعان: ادىلەت مادەنيەت