رايىمبەك داڭعىلىنىڭ بويىمەن شىعىس باعىتقا قاراي ءجۇرىپ كەلە جاتقان جۇك كولىگى قۇرىلىس الاڭىنا بارۋ ءۇشىن وڭ جاققا بۇرىلا بەرگەندە جاس جىگىت تىزگىندەگەن موپەد كەلىپ، استىنا كىرىپ كەتكەن دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
جەلى قولدانۋشىلارى جاس جىگىتتىڭ قىرشىننان قيىلعان تاعدىرىنا اياۋشىلىق تانىتىپ، جاقىندارىنا كوڭىل ايتۋدا. ءبىرقاتار قولدانۋشىلار جۇك كولىكتەرىنىڭ بۇرىلۋ بەلگىسىن بىلدىرەتىن شامدارىن كوبىنەسە بالشىق جاۋىپ قالاتىنىن ايتىپ داۋرىعىسىپ جاتىر.
قاتتى جىلدامدىقپەن كەلە جاتقان ەكى دوڭگەلەكتى كولىكتىڭ يەسى وقيعا ورنىندا ءتىل تارتپاي كەتتى. 2000 جىلى تۋعان جاس جىگىتتىڭ عۇمىرىن جالماعان اپاتتى جاعداي تۋرالى ءىس قوزعالىپ، ونى زەرتتەۋ ىسىمەن پوليسيا اينالىسىپ جاتىر.
ۇسىنعان: ادىلەت مادەنيەت