كوكپار – ىقلىم زاماننان قىرعىز بەن قازاققا ورتاق ويىن. ءبىراق، بىلەكتى دە جۇرەكتى، تاقىمى تاستاي ناعىز ەر ازاماتتاردىڭ سپورتى سانالاتىن كوكپار توڭىرەگىندە قىرعىز بەن قازاق اراسىندا داۋدىڭ كوپ ەكەنى جاسىرىن ەمەس. قازاق "كوكپاردىڭ ءتۇپ تاريحى بىزدەن باستالعان" دەسە، قىرعىز اعايىندار «جوق، كوكپار ەمەس بۇل ويىن ەجەلدەن "كوكبورى" اتالعان جانە ءتۇپ توركىنى بىزدەن باستاۋ الادى" دەپ قارسى ءۋاجىن ايتادى. ال سوڭعى جىلدارى قازاق پەن قىرعىزدىڭ كوكپار توڭىرەگىندەگى بىتىسپەس داۋىنا كوماندالىق كوكپار ەرەجەcءىنىڭ وزگەرىسكە ۇشىراۋى قوسىلدى. ايتا بەرسەك، تاۋسىلمايتىن ءتۇپسىز داۋ. Qamshy.kz ءتىلشىسى داۋدى ايتىپ، ءدۇيىم جۇرتتى دۇرلىكتىرمەي، قوس ەلگە ورتاق وسى سپورتقا ولشەۋسىز ۇلەس قوسىپ جۇرگەن كوكپارشى تۋرالى  ايتىپ ءوتۋدى ءجون كوردى.

ۆيدەودا سالىمدى بولعان كوكپارشى - مەيىرجان ءماتجان. ونىڭ ەسىم كوكپار سۇيەر قاۋىمعا جاقسى تانىس.  سوڭعى جىلدارداعى كوماندالىق كوكپاردىڭ ەڭ ۇزدىكتەرىنىڭ ءبىرى سانالادى. مەيرجان ەلىمىزدە الماتى وبلىسىنىڭ، تارازدىق "اۋليە-اتا" كومانداسىنىڭ نامىسىن قورعاعان. سونىمەن قاتار، ول قىرعىز ەلىندەگى كوكپار باسەكەلەرىندە دە بوي كورسەتىپ ءجۇر. قىرعىز كوماندالارىندا بىرنەشە مارتە ويناعان مەيىرجان ءماتجاندى الاتاۋدىڭ ارعى بەتىندەگى كوكپار جانكۇيەرلەرى ەرەكشە قۇرمەتتەيدى. 

جۋىردا عانا مەيىرجان ماتجان بىشكەكتە وتكەن جارىستا قىرعىستاننىڭ "كەلەشەك" كومانداسىنا ويناپ ءبىرىنشى ورىن الدى. سول جارىستان كەيىن قىرعىز جۋرناليسىنە بەرگەن سۇحباتىندا ول ءوزىن ايىر قالپاقتى اعايىننىڭ جاقسى قابىلداعانىن ايتىپ، العىسىن ءبىلدىردى. 

كوكپار - ءبىرىنشى كەزەكتە سپورت. ال سپورتتا شەكارا بولماۋى ءتيىس. سوندىقتان، قىرعىز-قازاقتىڭ اراسىن الىستاتپاي، ورتاق سپورتتىڭ كوسەگەسىن كوگەرتىپ جۇرگەن مەيىرجانداي كوكپارشىنى تەك قولداۋ كەرەك شىعار...