گەرمانيادا Lillium كومپانياسى قۇراستىرعان ۇشاتىن تاكسيدىڭ العاشقى كورسەتىلىمى ءوتتى دەپ حابارلايدى Qamshy.kz اقپارات اگەنتتىگى كومپانيانىڭ رەسمي سايتىنا سىلتەمە جاساپ.

جاڭا زاماننىڭ جاڭاشا تاكسيىنە "Lillium Jet" دەگەن اتاۋ بەرىلگەن. ۇشاتىن تاكسي بارلىق جاتتىعۋ جۇمىستارىن ءساتتى اياقتادى.

"Lillium Jet ساعاتىنا 300 شاقىرىم قاشىقتىقتى باعىندىرۋعا قابىلەتتى. ءبىز بۇل جىلدامدىق ارقىلى تەك قالا ءىشىن ەمەس، قالالاردى قالالارمەن بايلانىستىرا الامىز"، - دەيدى ءوندىرۋشى كومپانيا وكىلدەرى.

تولىقتاي ەلەكتر قۋاتى ارقىلى جۇمىس جاسايتىن Lillium Jet-تە 36 ەلەكترلى قوزعالتقىش ورناتىلعان. بۇل قوزعالتقىشتار جىلدامدىقتى ەسەلەۋگە، قوزعالقىش جۇمىس جاساپ تۇرعاندا شىعاتىن شۋدى تومەندەتۋگە، ۇشۋ بارىسىندا قاۋىپسىزدىكتى قامتاماسىز ەتۋگە قىزمەت ەتەدى.

ۇشاتىن تاكسي 5 جولاۋشىعا لايىقتاپ جاسالىنعان. كومپانيا وكىلدەرىنىڭ مالىمەتىنە سۇيەنسەك، اەرو-تاكسيدىڭ ءوندىرىسى 2020 جىلدان باستالماق.  

 اۋدارعان: داۋرەن سىبانباي