بۇل تەست ءسىزدىڭ شىنايى بەت-بەينەڭىزدى، جان دۇنيەڭىزدەگى وزىڭىزگە عانا ءمالىم مىنەز-قۇلقىڭىزدى اشىپ كورسەتەدى.

سۋرەتتەگى وزىڭىزگە ۇناعان كەستەلى ورنەكتىڭ ءبىرىن تاڭداڭىز. كوپ ويلانۋدىڭ قاجەتى جوق، كوزىڭىزگە قايسىسى ءبىرىنشى تۇسسە، سول ءسىزدىڭ جان دۇنيەڭىزدىڭ ايناسى بولماق. تەستىڭ قورىتىندىلارىن تومەننەن وقي الاسىز...

1. بۇل ورنەك، ءدال قازىرگى ساتتە ءسىزدىڭ مىنەزىڭىزدە ۋاقىتشا قۇبىلىستار بولىپ جاتىر دەپ كورسەتەدى. ادەتتە بۇل سۋرەتتى قازىرگى ساتتە وزىنە-وزى كوڭىلى تولمايتىن جانە جاعدايدى جاقسى جاعىنا وزگەرتكىسى كەلەتىن ادامدار تاڭدايدى. «ول جەردە باقىتتى بولۋ ءۇشىن بارلىعى بار، ءبىراق مەن ول جەردە ەمەسپىن. بولاشاقتا مىندەتتى تۇردە سول جەردە بولامىن»، - دەگەن بويلارىنا شەگەلەپ قاققان ۇرانى بار. بۇل ادامداردىڭ نەگىزگى قاسيەتى – دۇنيەنى تانىپ-بىلۋگە ۇمتىلۋ، باتىلدىق جانە بارلىق جاڭاشىلدىققا قىزىعۋشىلىق تانىتۋ. وزگەرىستى جان-تانىمەن قالايدى. وسى ورنەكتى تاڭداعان ادامدار ۇزاق ۋاقىت بويى بۇل جاعدايدا جۇرە بەرمەيدى. ويتكەنى بۇل بەلگى ۋاقىتشا دەگەندى بىلدىرەدى. ياعني، ۋاقىت وتە كەلە بۇل ورنەكتى تاڭداعان ادامنىڭ مىنەزى باسقا ورنەكتەگى سيپاتتاماعا اۋىسۋى مۇمكىن.

2. ولار ادەتتە شىدامدى، تاباندى جانە ءوز ىسىنە ادال جاندار. بولماعان ىسكە قولىن ءبىر سىلتەپ، «ءبارىبىر تۇك شىقپايدى» دەپ ايتۋ ءسىزدىڭ ءومىر ءسۇرۋ سالتىڭىزدا جوق. ەكىنشى سۋرەتتى تاڭداعان جاندار العا قويعان ماقساتىنا اقىرىن ءجۇرىپ، انىق باسىپ جەتەدى. جانە وعان جەتپەيىنشە توقتامايدى. سونىڭ ارقاسىندا ولاردىڭ ىشىنەن ناعىز كاسىبي ماماندار شىعادى. «سوعىس – سوعىسپەن، ال تۇسكى اس ۋاقىت بويىنشا» دەگەن ءسوزدى وسى سۋرەتتى تاڭدايتىن ادامدار شىعارعان بولۋى كەرەك. ءوزىنىڭ بەلگىلەپ قويعان جۇمىسىنان وزگە ءىس تۋىنداي قالسا، بىردەن قاباعى شىتىلىپ شىعا كەلەدى. ولاردىڭ ويىنشا، ءومىر تەك جوسپارمەن عانا ءوتۋ كەرەك. ولار بارلىعىنىڭ جيناقى، ءوز ورنىندا تۇرعانىن قالايدى. توسىن سىيلاردى اسا ۇناتا بەرمەيدى. ال كۇتپەگەن جەردەن بولعان وزگەرىستى مۇلدەم قالامايدى.

3. شىعارماشىلىقپەن اينالىساتىن، وزگەشە ويلايتىن تۇلعالار. ولار جاۋىرى شىققان جولدارمەن جۇرگەندى، قاتىپ قالعان قاعيدالاردى ۇستانۋدى ۇناتپايدى. كەرىسىنشە ءاردايىم وزگەشە جولىن ىزدەپ، ەرەكشە ءتاسىلىن تابادى. ولاردىڭ اراسىندا وتە تارتىمدى ادامدار وتە كوپ. ولاردى اشۋلاندىرۋ وڭاي. مىنەز-قۇلقى دوللاردىڭ كۋرسى وسكەندەي اپ-ساتتە وزگەرىپ شىعا كەلەدى. جاقسى وراتورلار، وزدەرىنىڭ ۇشقىر ويىمەن ۇنەمى ءبولىسىپ جۇرەدى. تىڭداۋشىسى قالاسا دا، قالاماسا دا ءاردايىم يدەيا تاستاعاندى ۇناتادى. كەيدە سابىرسىزدىق پەن شىدامسىزدىق تانىتاتىنى تاعى بار.

4. قىس بولسىن، جاز بولسىن، اسپاننان تاس جاۋسىن، تاۋ قوپارىلسىن اينالاسىنا نۇر شاشىپ جۇرەتىن ناعىز كوشباسشىلار. ناعىز «ەنەردجايزەرلەر» دەۋگە بولادى. وزدەرىنە ناقتى نە كەرەك ەكەنىن بىلەدى جانە ءوزىنىڭ دەگەنىنە كۇلىپ ءجۇرىپ جەتەدى. جۇمىستا باسشىلىقتى اقىلمەن سەندىرە الادى جانە ءوزىنىڭ تاۋەلسىزدىگىن العا تارتادى. ولار ءۇشىن وزدەرىنىڭ ايتقانى زاڭ بولۋ كەرەك سياقتى بولىپ كورىنەدى. ولار وتە مىقتى جاندار جانە وتە ءقاۋىپتى قارسىلاس. ومىرگە جەڭىل قاراۋمەن كوپتەگەن جەتىستىكتەرگە جەتەدى.

5. بۇل ورنەكتى تاڭداعان جاننىڭ جۇرەگى – نازىك. ولار وزگەلەر ءۇشىن ۋايىمداپ جۇرەدى. ءوزىن وزگەلەردىڭ ورنىنا قويا بىلەدى. باسقالاردىڭ كوڭىل-كۇيىنە قاراي قۇبىلا الادى. وتە قايىرىمدى، جۇرەگىنەن مەيىرىم توگىلىپ تۇراتىن جاندار. ولار تەك وزدەرى عانا باقىتتى بولعاندى قالامايدى. دوستارىنىڭ، تۋىستارىنىڭ، جاقىندارىنىڭ دا جاقسى ءومىر ءسۇرۋى ءۇشىن بارىن سالادى. وزگەلەرمەن جانجالداسقىسى كەلمەيدى، كەرىسىنشە داۋدىڭ باسىن شەشۋگە ۇمتىلادى. كەيدە ولار ءۇشىن تاتۋلىق – اقيقاتتان دا جوعارى. بۇل جانداردىڭ 99 پايىزى ءبىرىنشى بولىپ مامىلەگە كەلەدى.

 وقي وتىرىڭىز: 

♦ پسيحولوگيالىق تەست: وزىڭىزگە ۇناعان سۋرەت ارقىلى مىنەز-قۇلقىڭىزدى انىقتاڭىز