الماتىدا مۇمكىندىگى شەكتەۋلى ادامنان ۇلكەن مولشەردە اقشا ۇرلانعان ەر ادام ۇستالدى دەپ حابارلايدى Qamshy.kz اقپارات اگەنتتىگى الماتى قالالىق پوليسيا دەپارتامەنتىنىڭ مالىمەتىنە سۇيەنە وتىرىپ.

قۇزىرلى ورگاننىڭ مالىمەتىنشە،  گ. ەسىمدى كۇدىكتى قالا تۇرعىنىنان (2-توپتاعى مۇگەدەك ايەل ادامنان)  1 ميلليون 300 مىڭ تەڭگە كولەمىندەگى اقشانى الاياقتىق جولمەن ۇرلاپ العان. 

"كۇدىكتى ەر ادام س. ەسىمدى ازاماتشامەن جاقسى قارىم-قاتىناستا بولىپ، ونىمەن نەكەگە تۇرۋدى ۋادە ەتكەن. الايدا ەر ادامنىڭ ءدىني نەكەدە تۇرعان ايەلى دە بولعان. ول ازاماتشا س. -نىڭ سەنىمىنە كىرىپ، اقشاسىن الىپ، ۇشتى-كۇيلى جوعالىپ كەتكەن. جەدەل-ىزدەستىرۋ ءىس-شارالارىن جۇرگىزۋ بارىسىندا پوليسيا قىزمەتكەرلەرى اقشانى ۇرلانعان الياقتىڭ قاراجاتتىڭ ءبىر بولىگىن ءوزىنىڭ سىبايلاسىنا بەرگەنىن انىقتادى. ال قالعان اقشانى ءوز قاجەتىنە جۇمساعان. قازىرگى ۋاقىتتا الياقتىق جولمەن اقشا ۇرلاعان ەر ادام ۇستالىپ، تۇرمەدە وتىر جانە وزىنە شىعاتىن سوت شەشىمىن كۇتۋدە. جابىرلەنۋشىنىڭ ايتۋى بويىنشا، كۇدىكتى گ. ءوزىن  «سالافيزم» دەسترۋكتيۆتى ءدىني قوزعالىستىڭ جاقتاۋشىسى رەتىندە كورسەتىپ كەلگەن"، - دەدى قالالىق پوليسيا دەپارتامەنتى.

ۇسىنعان: ميات كاشىباي