Google باسشىلىعى Huawei Technologies كومپانياسىمەن سەرىكتەستىك ورناتۋدان باس تارتۋ تۋرالى شەشىم شىعاردى. اقش-تىڭ ساۋدا مينيسترلىگى جۇڭگو كومپانيالارىن قارا تىزىمگە ەنگىزۋگە نيەتتى ەكەندىكتەرىن حابارلاعاننان كەيىن وسى شەشىم شىعىپ وتىر دەپ حابارلايدى Qamshy.kz اقپارات اگەنتتىگى ربك  سايتىنا سىلتەمە جاساپ.

بۇل دەگەنىمىز، Huawei الداعى ۋاقىتتا Android وپەراسيالىق جۇيەسىنىڭ جاڭارتۋلارىنا قولجەتكىزۋ مۇمكىندىلىگىنەن ايىرىلادى. ال سمارتفونداردىڭ جاڭا ۇلگىلەرىندە  Google Play Store جانە Gmail باعدارلامالارى بولمايدى.

سونىمەن قاتار، Huawei سمارتفوندارىنىڭ كەيبىرى Android جۇيەسىن پايدالانا الادى. ول تەك اشىق دەرەككوزدەردە ساقتالعان نۇسقاسىندا عانا مۇمكىن بولماق. ال تەحنيكالىق كومەككە قىتايلىق كومپانيا جۇگىنە المايدى.

Google كومپانياسى، اتالعان قوسىمشالار بۇرىننان بار Huawei سمارتفوندارىنىڭ قولدانۋشىلارى ونى ارى قاراي دا تۇتىنا بەرەتىنىن رەسمي تۇردە مالىمدەدى.

Reuters اتاپ وتكەندەي، Huawei-گە قاتىستى جاعداي اقش پەن جۇڭگو اراسىنداعى ەكونوميكالىق قاقتىعىستىڭ جالعاسى بولىپ وتىر. ۆاشينگتون ءوز تالاپتارىمەن پەكيندى جاڭا ساۋدا كەلىسىمىنە قول قويدىرۋعا ۇگىتتەپ جاتىر. الايدا قازىرگى تاڭدا ەكى جاق بىتىمگە كەلگەن جوق.

دايىنداعان: مارجان سابەت